• Dw 108:9—Bere a Onyankopɔn kaa sɛ Moab yɛ ‘ade a ɔhohoro ne nsa wom’ no, ɛbɛyɛ sɛ dɛn na na ɔrekyerɛ? (it-2 420 ¶4)

  Kyerɛw wo mmuae hyɛ ha

• Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?

  Kyerɛw wo mmuae hyɛ ha

Bere a Yehowa gyee Israelfo a na ehu aka wɔn no fii Egypt asraafo a wɔnim akodi no nsam wɔ Po Kɔkɔɔ no ho no, Israelfo no ani sɔe, na wɔtoo dwom daa Yehowa ase. (Ex 15:​1-19) Mmarima no na wɔpagyaw saa dwom foforo no. (Ex 15:21) Yesu ne tete Kristofo no nso too ayeyi nnwom maa Onyankopɔn. (Mt 26:30; Kol 3:16) Ɛnnɛ, yɛn nso sɛ yɛkɔ asafo nhyiam, amansin ne amantam nhyiam a, yɛto nnwom de da Yehowa ase. Ɛho nhwɛso ne dwom a yɛtoo no seesei ara no. N’asɛmti ne “Yɛda Wo Ase, Yehowa,” na efi afe 1966 tɔnn na yefii ase too wɔ asafo nhyiam ase.

Mmeae bi wɔ hɔ a, mmarima fɛre sɛ wɔbɛto nnwom wɔ baguam. Mmarima ne mmea bi nso de, wɔka sɛ wɔn nne nyɛ dɛ, enti ɛyɛ a wɔmpɛ sɛ wɔbɛto nnwom. Nanso, ɛsɛ sɛ yɛkae sɛ nnwom a yɛto wɔ asafo nhyiam ase no nso ka yɛn som ho. Yehowa ahyehyɛde no gye bere pii siesie nnwom dɛdɛɛdɛ ma yɛn, na wɔsan gye bere paw nnwom a yɛbɛto wɔ asafo nhyiam biara ase. Yɛn de ara ne sɛ yɛbɛbom ato nnwom no de akyerɛ yɛn soro Agya no sɛ yefi yɛn komam dɔ no paa, na yɛn ani sɔ nea wayɛ ama yɛn no.

Yi VIDEO a yɛato din Tete Wɔ Bi Kyerɛ—Nnwom Yɛ Akyɛde, Ɔfã 2. Afei bisa sɛ:

• Ade titiriw bɛn na esii afe 1944?

  Kyerɛw wo mmuae hyɛ ha

• Dɛn na yɛn nuanom a wɔwɔ Siberia no yɛ de kyerɛe sɛ na Ahenni nnwom a wɔbɛto no da wɔn koma so?

  Kyerɛw wo mmuae hyɛ ha

• Adɛn nti na nnwonto ho hia Yehowa Adansefo saa?

  Kyerɛw wo mmuae hyɛ ha