BIBLE MU AKORADE | MMEBUSƐM 1-6
“Fa Wo Koma Nyinaa To Yehowa So”
Ɛfata sɛ yɛde yɛn koma nyinaa to Yehowa so. Ne din asekyerɛ mpo ma yenya awerɛhyem sɛ obetumi ama ne bɔhyɛ nyinaa abam. Sɛ yebetumi anya saa ahotoso no wɔ Yehowa mu a, ade baako a ebetumi aboa yɛn ne mpaebɔ. Mmebusɛm ti 3 hyɛ yɛn nkuran sɛ, sɛ yɛde yɛn ho to Yehowa so a, obehyira yɛn na wama yɛn akwan “ateɛ.”
Obi yɛ n’ani so onyansafo a . . .
-
ɔnhwehwɛ Yehowa akwankyerɛ ansa na wasi gyinae
-
ɔde ne ho to ɔno ara nsusuwii anaa wiase no deɛ so
Obi de ne ho to Yehowa so a . . .
-
ɔkenkan Bible daa dwinnwen ho, na ɔbɔ mpae. Wei ma no tumi ne Yehowa fa adamfo a emu yɛ den
-
ɔhwehwɛ Bible mu nnyinasosɛm hu Yehowa adwene ansa na wasi gyinae
|
BAAKO: Midi kan si gyinae a mete nka sɛ eye ma me |
BAAKO: Mebɔ mpae yɛ Bible mu nhwehwɛmu de hwehwɛ Yehowa hɔ akwankyerɛ |
|
MMIENU: Afei mesrɛ Yehowa sɛ onhyira me gyinae no so |
MMIENU: Misi gyinae a ɛne Bible mu nnyinasosɛm hyia |
