NEA ENTI A ƐHO HIA: Yesu kyerɛkyerɛe sɛ ɔdɔ na ɛbɛma yɛahu wɔn a wɔyɛ n’asuafo. (Yoh 13:34, 35) Sɛ yebetumi ada Kristo dɔ no bi adi a, ɛsɛ sɛ yedwen afoforo ahiade ho, na ɛnsɛ sɛ yɛma yɛn bo fuw ntɛmntɛm.—1Ko 13:5.

SƐNEA WOBƐYƐ NO:

• Sɛ obi ka asɛm bi anaa ɔyɛ biribi ma ɛhaw wo a, tɔ wo bo ase, na dwinnwen ho hwɛ sɛ dɛn na ɛma ɛbaa saa. Afei nea woabɔ wo tirim sɛ wobɛyɛ wɔ ho no, susuw nea ebefi mu aba no ho.—Mme 19:11

• Kae sɛ yɛn nyinaa tɔ sin, na ɛtɔ da a yetumi ka asɛm bi anaa yɛyɛ biribi ma akyiri yi yenu yɛn ho

• Sɛ asɛm si wo ne obi ntam a, siesie no ntɛm ara

HWƐ VIDEO A YƐATO DIN “MONNODƆ MO HO”​—MONNYƐ PƐSƐMENKOMINYA, NA MOMMMA MO BO NNHAW MO. AFEI BUA NSƐMMISA A EDIDI SO YI:

• Bere a Tom kaa sɛ mpanyimfo no bi nhyia no, dɛn na Larry yɛe a ɛkyerɛ sɛ ɔyɛɛ ade traa so?

• Esiane sɛ Tom tɔɔ ne bo ase dwen asɛm no ho kakra nti, ne bo amfuw ntɛm. Adɛn ntia?

• Sɛn na mmuae bɔkɔɔ a Tom de maa Larry no dwudwoo tebea no ano?