Sɛ wopɛ sɛ wofa obi adamfo a, su ahorow bɛn na wobɛpɛ sɛ wuhu wɔ ne ho? Ebia wobɛhwɛ sɛ ne yam ye, ɔwɔ ɔdɔ na ne tirim yɛ mmerɛw. Wunim? Yehowa wɔ su ahorow yi nyinaa bi. (Ex 34:6; Aso 14:17) Wobɔ mpae a, otie. Bere biara a wuhia ne mmoa no, ɔwɔ hɔ ma wo. (Dw 18:19, 35) Wofom no nso a, ɔde bɛkyɛ wo. (1Yo 1:9) Wompɛ adamfo wei na wopɛ dɛn!

Wobɛyɛ dɛn afa Yehowa adamfo? Ɛsɛ sɛ wusua ne ho ade wɔ Bible mu. Ka wo komam asɛm kyerɛ no. (Dw 62:8; 142:2) Afei nso, nneɛma a ehia Yehowa no, ma enhia wo. Saa nneɛma no bi ne N’ahenni no, ne Ba Yesu, ne nneɛma a wahyɛ bɔ sɛ ɔde bɛma yɛn daakye no. Ɛyɛ a, ka saa nneɛma yi ho asɛm kyerɛ afoforo. (De 32:3) Sɛ wo ne Yehowa fa adamfo nnɛ a, mo adamfofa no bɛtena hɔ daa.—Dw 73:25, 26, 28.

HWƐ VIDEO A YƐATO DIN MMABUN—“MONKA NHWƐ NA MUNHU SƐ YEHOWA YE” NO. WUWIE A, BUA NSƐMMISA A EDIDI SO YI:

• Wobɛyɛ dɛn asiesie wo ho ama ahosohyira ne asubɔ?

• Dɛn na wɔn a wɔwɔ asafo no mu betumi ayɛ de aboa wo ama woasom Yehowa?

• Sɛn na asɛnka adwuma no hyɛ wo ne Yehowa adamfofa no mu den?

• Hokwan ahorow a wubetumi anya wɔ Yehowa som mu no bi ne dɛn?

• Dɛn na w’ani gye ho wɔ Yehowa ho?