Onyankopɔn Asɛm ma yɛn nea yehia biara a yebetumi de agyina sɔhwɛ ano wɔ awiei mmere a emu yɛ den yi mu. (2Ti 3:1, 16, 17) Nso edu mmere bi a, wubehia mmoa na woatumi ahu Bible afotusɛm a wode bedi tebea pɔtee bi ho dwuma. Woyɛ ɔwofo a wuhia akwankyerɛ pa de atete wo mma anaa? Woyɛ aberante anaa ababaawa a wo gyidi nti worehyia sɔhwɛ? Anaa woyɛ okunafo a woredi wo kunu anaa wo yere wu ho awerɛhow? Ɛnde wubenya biribi wɔ jw.org a ɛbɛkyerɛ wo Bible afotusɛm pɔtee a wode bedi wo haw yi ne ɔhaw foforo a ɛtete saa ho dwuma.—Mme 2:3-6.

Kɔ jw.org, na kɔ BIBLE NKYERƐKYERƐ afã hɔ. (Hwɛ mfoni 1.) Wobɔ so a, wubehu nsɛmti ahorow bi. Nea wopɛ no, bɔ so, na ebebue ama wo. Anaa kɔ NHOMAKORABEA > NSƐM A ƐBA TOATOA SO. Asɛmti a wopɛ wɔ hɔ no, bɔ so. (Hwɛ mfoni 2.) Wubehu nsɛmti koro no ara wɔ JW Library^® nso. a Bible Nkyerɛkyerɛ afã, ne Nsɛm a Ɛba Toatoa So afã no nyinaa, wubetumi akyinkyin hɔ ahwɛ nsɛmti a ɛwɔ hɔ no. Wopɛ nso a, wubetumi akɔ Hwehwɛ afã hɔ wɔ jw.org akɔhwehwɛ asɛmti pɔtee a ɛbɛboa wo.

Kɔ Hwehwɛ afã hɔ, na kyerɛw nsɛm a edidi so yi mu biara wɔ adaka no mu na bɔ so. Nea ebeyi aba no, hwɛ mu na kyerɛkyerɛw nea wopɛ no to hɔ na ɛyɛ a woakan.

• Mmofra ntetee

• Mmabun adwenemhaw

• Bere a wo kunu anaa wo yere awu