ASƐMMISA 6
Dɛn na Bible Ka Faa Mesia no Ho?
NKƆMHYƐ
“Wo, Betlehem Efrata, . . . wo mu na mɛma obi afi abɛyɛ Israel sodifo.”
SƐNEA ƐBAA MU
“Bere a wɔwoo Yesu wɔ Betlehem a ɛwɔ Yudea, Ɔhene Herode nna no mu no, hwɛ! nsoromma mu ahwɛfo fi apuei fam baa Yerusalem.”
NKƆMHYƐ
“Wɔkyekyɛ me nguguso mu fa, na m’atade nso, wɔbɔ so ntonto.”
SƐNEA ƐBAA MU
“Afei bere a asraafo no bɔɔ Yesu asɛndua mu no, wɔfaa n’atade nguguso kyɛɛ mu anan . . . Nanso na atade nhyɛase no nni mpamee, na na wɔanwene fi soro besi fam. Enti wɔkeka kyerɛɛ wɔn ho sɛ: ‘Mommma yennsunsuane mu, mmom momma yɛmmɔ so ntonto nhwɛ nea ɛbɛyɛ ne dea.’”
NKƆMHYƐ
“Ɔhwɛ ne nnompe nyinaa so; emu biako mpo mmu.”
SƐNEA ƐBAA MU
“Woduu Yesu nkyɛn a wohui sɛ wawu dedaw no, wɔammubu ne nan mu.”
NKƆMHYƐ
“Yɛn mmarato nti na wopiraa no.”
SƐNEA ƐBAA MU
“Asraafo no mu biako de peaw wɔɔ ne mfe na ntɛm ara mogya ne nsu fi bae.”
NKƆMHYƐ
“Wɔde nnwetɛbona aduasa tuaa me ka.”
SƐNEA ƐBAA MU
“Ɛnna dumien no mu biako a wɔfrɛ no Yuda Iskariot no kɔɔ asɔfo mpanyin no nkyɛn kɔkae sɛ: ‘Dɛn na mobɛma me na mayi no ama mo?’ Na wɔyɛe sɛ wɔbɛma no nnwetɛbona aduasa.”
