Dɛn na Ɛwɔ Onyankopɔn Asɛm Mu?
Nea Onyankopɔn pɛ sɛ ɛnnɛ yehu no, ɛno na ɛwɔ Bible mu. Bible ma yehu sɛnea yɛbɛbɔ bra pa ne nea yɛyɛ a Onyankopɔn ani begye yɛn ho. Ɛsan ma yenya nsɛmmisa a edidi so yi ho mmuae:
SUA BIBLE NO BUE
Nhoma 66 na ɛka bom yɛ Bible. Wɔakyɛ mu abien. Ɔfã a edi kan no ne nea wɔde Hebri ne Aram kasa kyerɛwee (“Apam Dedaw”). Ɔfã a ɛto so abien (“Apam Foforo”) no, wɔde Hela kasa na ɛkyerɛwee. Wɔakyekyɛ Bible nhoma no mu biara ayɛ no eti ne nkyekyɛm. Sɛ wuhu kyerɛwsɛm bi a, nɔma a edi Bible nhoma no din akyi no yɛ nhoma no ti. Nɔma a edi hɔ no nso yɛ nkyekyɛm no. Enti sɛ wuhu Genesis 1:1 a, ɛkyerɛ Genesis ti 1, nkyekyɛm 1.