ADESUA 18
Ma W’atiefo Nsua Biribi Foforo
1 Korintofo 9:19-23
NSƐNTITIRIW: Kanyan w’atiefo ma wonnwen asɛm a woreka no ho sɛnea ɛbɛyɛ a wɔbɛte nka sɛ wɔasua biribi a mfaso wɔ so.
SƐNEA WOBƐYƐ NO:
-
Nea w’atiefo nim dedaw no, susuw ho. Sɛ wo ne w’atiefo resusuw asɛmti bi ho a, sɛ́ anka wubetĩ nsɛm a wonim no mu kɛkɛ no, boa wɔn ma wonsusuw asɛmti no ho wɔ ɔkwan foforo so.
-
Yɛ asɛm no mu nhwehwɛmu na dwinnwen ho. Sɛ ɛbɛyɛ yiye a, fa nsɛm a w’atiefo nhyɛ da nnim, ne nsɛm bi a esisii nkyɛe kyerɛkyerɛ nsɛntitiriw mu. Dwinnwen asɛm a worekɔkyerɛkyerɛ mu no ho yiye, na hwɛ sɛnea ɛne nsɛm a wopɛ sɛ wode kyerɛkyerɛ mu no hyia.
-
Ma w’atiefo nhu mfaso a ɛwɔ asɛm a woreka no so. Sɛnea Bible mu nsɛm betumi aboa w’atiefo wɔ wɔn da biara da asetenam no, kyerɛkyerɛ mu. Hwɛ nneyɛe, suban ne tebea pɔtee bi a ɛfa w’atiefo ho, na wo ne wɔn nsusuw ho.