Animia
Ehia sɛ Yehowa asomfo mia wɔn ani anaa?
Yɛyɛ dɛn hu sɛ asɛmpa a yɛka no, ebinom rentie, na ebinom nso bɛko atia?
Mt 10:22; Yoh 15:18, 19; 2Ko 6:4, 5
-
Ɛho nhwɛso a ɛwɔ Bible mu:
-
2Pe 2:5; Ge 7:23; Mt 24:37-39—Noa ‘kaa trenee ho asɛm kyerɛɛ nkurɔfo,’ nanso wɔn mu pii antie no; ɔne n’abusua nko ara na wɔnyaa wɔn ti didii mu wɔ Nsuyiri no mu
-
2Ti 3:10-14—Ɔsomafo Paul kaa ɔhaw ne ɛyaw a ɔfaa mu no ho asɛm kyerɛɛ Timoteo, na ɔhyɛɛ no nkuran sɛ ɔno nso mfa animia nnyina ɔhaw ano
-
Yehowa som nti yɛn abusuafo tan yɛn ani a, adɛn nti na ɛnyɛ yɛn nwanwa?
-
Ɛho nhwɛso a ɛwɔ Bible mu:
-
Ge 4:3-11; 1Yo 3:11, 12—Kain kum ne nua Habel efisɛ na ne nnwuma yɛ bɔne, na na ne nua Habel nnwuma tene
-
Ge 37:5-8, 18-28—Yosef nuanom tow no too abura bi mu, na akyiri yi wɔtɔn no kɔɔ nkoasom mu; ade baako nti a wɔyɛɛ saa ne sɛ, ɔkaa dae bi a Onyankopɔn ma ɔsoe kyerɛɛ wɔn
-
Sɛ nkurɔfo tan yɛn ani a, adɛn nti na ɛnsɛ sɛ yesuro sɛ yebewu?
Hwɛ Adi 2:10 nso
-
Ɛho nhwɛso a ɛwɔ Bible mu:
-
Da 3:1-6, 13-18—Bere a wɔhunahunaa Sadrak, Mesak, ne Abednego sɛ, sɛ wɔansom bosom a wɔbekum wɔn no, wɔansuro, mmom wɔkɔɔ so dii Yehowa nokware
-
Aso 5:27-29, 33, 40-42—Nkurɔfo bɔɔ asomafo no ntrɛnee sɛ, sɛ wɔannyae asɛnka adwuma no a, wɔbekum wɔn. Nanso asomafo no annyae; mmom wɔkɔɔ so de animia kaa asɛmpa no
-
Sɛ wɔteɛ yɛn so mpo a, dɛn na ɛbɛboa yɛn ama yɛakɔ so adi Yehowa nokware?
-
Ɛho nhwɛso a ɛwɔ Bible mu:
-
Nu 20:9-12; De 3:23-28; 31:7, 8—Bere a Yehowa teɛɛ Mose so no, n’abam bui de, nanso ɔkɔɔ so som Yehowa kosii owu mu
-
2Ah 20:12-18; 2Be 32:24-26—Bere a Ɔhene Hesekia yɛɛ bɔne no, Yehowa kaa n’anim, nanso ɔbrɛɛ ne ho ase gye toom, na ɔkɔɔ so de nokwaredi som Yehowa
-
Sɛ ebinom gyae Yehowa som a, adɛn nti na ebetumi ama ayɛ den sɛ yɛbɛkɔ so asom Yehowa?
-
Ɛho nhwɛso a ɛwɔ Bible mu:
-
Dw 73:2-24—Bere a odwontofo no huu asomdwoe ne ahonyade a nnebɔneyɛfo wɔ no, na ɛyɛ no sɛ mfaso nni so sɛ ɔbɛkɔ so asom Yehowa
-
Yoh 6:60-62, 66-68—Ɛwom sɛ nnipa bebree gyaee Yesu akyidi, nanso gyidi a na ɔsomafo Petro wɔ nti, ɔkɔɔ so dii Yesu akyi
-
Dɛn na ɛbɛboa yɛn ama yɛde animia asom Yehowa akosi ase?
Bata Yehowa Ho
Fi wo komam bɔ Yehowa mpae daa
-
Ɛho nhwɛso a ɛwɔ Bible mu:
-
Da 6:4-11—Wɔbɔɔ odiyifo Daniel ho pɔw bɔne, nanso ɔkɔɔ so bɔɔ mpae daa a wamfa ne ho ansie
-
Mt 26:36-46; Heb 5:7—Ade rebɛkye ama Yesu awu no, ɔbɔɔ mpae denneennen, na ɔhyɛɛ afoforo nkuran sɛ wɔnyɛ saa ara
-
Hyɛ wo gyidi den
Kɔ so ne wo nuanom Kristofo nhyiam nsom
Nneɛma a Yehowa de ahyɛ yɛn bɔ no, fa w’adwene si so
Ɔdɔ a wowɔ ma Yehowa ne wo nuanom Kristofo no, hyɛ mu den, na nneɛma a ɛtene wɔ Yehowa ani so no, ma w’ani nnye ho
Sua Onyankopɔn Asɛm Bible na dwinnwen ho
Wuhyia sɔhwɛ a, kae sɛ, wudi nokware kosi ase a, Yehowa ani begye
Sɛ yemia yɛn ani som Yehowa a, dɛn na efi mu ba?
Ɛboa yɛn ma asɛnka adwuma no kɔ yiye
Yenya Yehowa nhyira ne n’anim dom
Mt 24:13; Lu 21:19; 1Ko 15:58; Heb 10:36
Hwɛ nea edidi so yi nso: Ro 2:6, 7; Yak 1:12
Yɛhyɛ afoforo nkuran ma wɔn nso mia wɔn ani gyina sɔhwɛ mu
Yɛhyɛ Yehowa Nyankopɔn anuonyam
Mme 27:11; Yoh 15:7, 8; 1Pe 1:6, 7
-
Ɛho nhwɛso a ɛwɔ Bible mu:
-
Hio 1:6-12; 2:3-5—Satan kaa sɛ, ɛnyɛ Hiob komam na ofi som Yehowa, na mmom nea onya fi Yehowa hɔ ntia. Ná ɛsɛ sɛ Hiob mia n’ani gyina sɔhwɛ mu, na ama ada adi sɛ Satan sobo no yɛ atoro
-
Ro 5:19; 1Pe 1:20, 21—Yesu dii nokware kosii owu mu, na ɛma yenyaa asɛm bi a ehia paa ho mmuae. Ɛne sɛ: Sɛ wɔsɔ onipa a bɔne biara nni ne ho hwɛ a, obetumi ayɛ nea Adam antumi anyɛ na wadi nokware akosi ase anaa?
-
Ebia W'Ani Begye Wei Nso Ho
SUASUA WƆN GYIDI
Noa—Ɔne “Nokware Nyankopɔn Nantewee”
Nsɛnnennen bɛn na Noa ne ne yere hyiae wɔ wɔn mma no ntetee mu? Dɛn nti na na ehia sɛ wonya gyidi na ama wɔatumi ayɛ adaka no?
ƆWƐN-ABAN
“Mesrɛ Mo, Muntie Dae a Maso Yi”
Yosef abusua no, na emu nsɛm dɔɔso, nanso ɛnnɛ, mmusua a mmanoma wom betumi asua biribi a ɛho hia afi saa abusua no mu.
YƐN HO NSƐM
Ma Obi Ne Wo Mmesua Bible
Hwɛ nea Bible ka fa asɛm bi a ɛkyere w’adwene ho anaa sua Yehowa Adansefo ho nsɛm pii.
