Ɛho nhwɛso a ɛwɔ Bible mu:

• Dw 78:40, 41; 106:36-46—Israelfo no yɛɛ Yehowa bɔne mpɛn pii de hyɛɛ no awerɛhow, nanso ne nyinaa Yehowa de kyɛɛ wɔn

• Lu 15:11-32—Yesu maa mfatoho bi de kyerɛkyerɛɛ Yehowa bɔnefakyɛ mu; ɔkaa sɛ, agya mmɔborɔhunufo bi ba yɛɛ bɔne, nanso akyiri yi a onuu ne ho no, ɔde ne bɔne kyɛɛ no

 Ɛho nhwɛso a ɛwɔ Bible mu:

• Heb 9:22-28—Ɔsomafo Paul kyerɛɛ mu sɛ Kristo mogya nko ara na etumi ma wɔde bɔne kyɛ

• Adi 7:9, 10, 14, 15—Ɔsomafo Yohane nyaa anisoadehu bi, na ohuu “nnipakuw kɛse bi” a Kristo mogya a ɔde bɔɔ afɔre nti, wɔn ho atew wɔ Onyankopɔn anim

Ɛho nhwɛso a ɛwɔ Bible mu:

• Hio 42:7-10—Ansa na Yehowa reyi Hiob amanehunu no afi hɔ ama wanya apɔwmuden ne nhyira no, ɔka kyerɛɛ Hiob sɛ ɔmmɔ mpae mma ne nnamfo mmiɛnsa a wɔkekaa nsɛm a ɛmfa kwan mu no

• Mt 18:21-35—Yesu maa mfatoho bi de kyerɛɛ pefee sɛ, sɛ yɛamfa afoforo bɔne ankyɛ wɔn a, yɛn nso yɛrennya bɔnefakyɛ.

Ɛho nhwɛso a ɛwɔ Bible mu:

• Dw 32:1-5; 51:1, 2, 16, 17—Bɔne a emu yɛ duru a Ɔhene Dawid yɛe nti, odii awerɛhow kɛse, nanso onuu ne ho paa

• Yak 5:14-16—Yakobo kyerɛɛ mu sɛ, sɛ yɛyɛ bɔne a emu yɛ duru a, ɛsɛ sɛ yekohu mpanyimfo no

Ɛho nhwɛso a ɛwɔ Bible mu:

• 1Ah 21:27-29; 2Be 18:18-22, 33, 34; 19:1, 2—Bere a Yehowa kaa sɛ ɔbɛtwe Ɔhene Ahab aso no, ɔbrɛɛ ne ho ase, na Yehowa huu no mmɔbɔ. Nanso wanyɛ biribi a ɛkyerɛ sɛ wanu ne ho ampa, enti Yehowa kum no

• 2Be 33:1-16—Ná Ɔhene Manase yɛ ɔhene bɔne paa, nanso bere a onuu ne ho no, Yehowa de ne bɔne kyɛɛ no. Nea Manase yɛe a ɛkyerɛ sɛ wasesa koraa ne sɛ, otuu atorosom so sa, na ɔboa maa nokware som kɔɔ so

Ɛho nhwɛso a ɛwɔ Bible mu:

• 2Sa 12:13; 24:1; 1Ah 9:4, 5—Ɛwom, Ɔhene Dawid yeyɛɛ bɔne a emu yɛ duru, nanso bere a onuu ne ho no, Yehowa de kyɛɛ no, na akyiri yi ɔkaa ne ho asɛm sɛ ɔyɛ obi a ne koma di mu

 Ɛho nhwɛso a ɛwɔ Bible mu:

• Mt 26:36, 40, 41—Bere a Yesu hia mmoa paa no, n’akyidifo a wɔbɛn no paa no dedae; ne nyinaa akyi no, Yesu tee wɔn ase; ohui sɛ ɔpɛ no wɔ hɔ de nso na wɔabrɛ

• Mt 26:69-75; Lu 24:33, 34; Aso 2:37-41—Ɔsomafo Petro kaa no mprɛnsa sɛ onnim Yesu, nanso bere a onuu ne ho no, Yesu Kristo de kyɛɛ no. Akyiri yi a Yesu nyanee no, ɔhyɛɛ da kɔɔ Petro hɔ, na ɛno akyi no, ɔde dwumadi titiriw bi hyehyɛɛ ne nsa wɔ asafo no mu

Ɛho nhwɛso a ɛwɔ Bible mu:

• Mt 23:29-33—Yesu kaa sɛ akyerɛwfo ne Farisifo akuw no, Gehenna atemmu anaa daa ɔsɛe na ɛda hɔ retwɛn wɔn

• Yoh 17:12; Mr 14:21—Yesu frɛɛ Yuda Iskariot a oyii no mae no “ɔsɛe ba,” na ɔkaa sɛ wɔanwo no koraa a anka eye