Gyidi Afrafra
Onyankopɔn baako no ara na nyamesomfo nyinaa som no anaa?
Ɔsom pii a ɛsono ebiara nkyerɛkyerɛ no, Yehowa ani gye ne nyinaa ho anaa?
Mt 7:13, 14; Yoh 17:3; Efe 4:4-6
-
Ɛho nhwɛso a ɛwɔ Bible mu:
-
Yos 24:15—Yosua maa emu daa hɔ sɛ obi rentumi nsom Yehowa nsan nsom anyame foforo; gye sɛ oyi mu baako
-
1Ah 18:19-40—Yehowa nam ne somfo Elia so kyerɛe sɛ, nokware Nyankopɔn asomfo rentumi nsom anyame foforo te sɛ Baal nka ne ho
-
Amanaman no anyame no, sɛn na Yehowa hu wɔn; na sɛ obi kɔsom wɔn a, sɛn na Yehowa te nka?
Obi ka sɛ ɔsom Yehowa na sɛ ɔde nneɛma a Yehowa kyi frafra ne som mu a, sɛn na Yehowa bɛte nka?
Yes 1:13-15; 1Ko 10:20-22; 2Ko 6:14, 15, 17
-
Ɛho nhwɛso a ɛwɔ Bible mu:
-
Ex 32:1-10—Israelfo no teetee Aaron ma ɔyɛɛ nantwi ba honi maa wɔn, na wɔkaa sɛ wɔde redi “Yehowa afahyɛ”; wei maa Yehowa bo fuwii paa
-
1Ah 12:26-30—Ná Ɔhene Yeroboam mpɛ sɛ ne nkurɔfo bɛkɔ akɔsom wɔ Yerusalem asɔrefie hɔ, enti ɔyɛɛ ahoni, na ɔkaa sɛ egyina hɔ ma Yehowa; wei maa ɔman no yɛɛ bɔne
-
Wɔn a wɔsom anyame foforo no, dɛn na Yehowa ka faa wɔn ho kyerɛɛ Israelfo no a ɛma yehu sɛ na ɔmpɛ sɛ Israelfo no de wɔn ho bɔ wɔn?
Bere a Yehowa nkurɔfo kɔsom anyame foforo no, dɛn na Yehowa yɛe?
Ate 10:6, 7; Dw 106:35-40; Yer 44:2, 3
-
Ɛho nhwɛso a ɛwɔ Bible mu:
-
1Ah 11:1-9—Aman foforo so mmea a Ɔhene Solomon waree wɔn no twetwee no ma ɔkɔsom anyame foforo, na afoforo nso dii n’akyi; wei maa Yehowa bo fuw no
-
Dw 78:40, 41, 55-62—Asaf kaa sɛ, bere a Israelfo tew atua na wɔkɔsom anyame foforo no, ɛyɛɛ Yehowa yaw, na ɛma ɔpoo ne nkurɔfo no
-
Dɛn na Yesu ka faa nyamesom nkyerɛkyerɛ a ɛne Onyankopɔn Asɛm nhyia ho?
-
Ɛho nhwɛso a ɛwɔ Bible mu:
-
Mt 16:6, 12—Yesu de Farisifo ne Sadukifo nkyerɛkyerɛ totoo mmɔkaw ho efisɛ atoro nkyerɛkyerɛ trɛw ntɛm, na nokwasɛm a ɛwɔ Onyankopɔn Asɛm mu no, ɛsɛe no
-
Mt 23:5-7, 23-33—Akyerɛwfo ne Farisifo nyaatwomfo a wɔkyerɛkyerɛɛ atosɛm no, Yesu kasa tiaa wɔn denneennen
-
Mr 7:5-9—Akyerɛwfo ne Farisifo no, Yesu bɔɔ wɔn akyi sɛ wɔde Onyankopɔn Asɛm too nkyɛn kodii nnipa amammerɛ akyi
-
Yesu kaa sɛ n’akyidifo no biara betumi akɔtew ɔno ara n’asɔre anaa?
-
Ɛho nhwɛso a ɛwɔ Bible mu:
-
Yoh 15:4, 5—Yesu de bobe dua yɛɛ mfatoho de kyerɛe sɛ, ɛsɛ sɛ n’asuafo nyinaa yɛ baako, na wɔne ɔno nso yɛ baako
-
Yoh 17:1, 6, 11, 20-23—Anadwo a ade rebɛkye ama Yesu awu no, ɔbɔɔ mpae sɛ Yehowa mmoa mma n’akyidifo anokwafo nyinaa nyɛ baako
-
Kristofo nsafo a na ɛwɔ asomafo no bere so no, na wɔn nyinaa gyidi ne sɛnea wɔsom Yehowa no yɛ baako anaa?
-
Ɛho nhwɛso a ɛwɔ Bible mu:
-
Aso 11:20-23, 25, 26—Nsafo a na ɛwɔ Antiokia ne Yerusalem no, na wɔyɛ nneɛma bom, na na baakoyɛ wɔ wɔn ntam
-
Ro 15:25, 26; 2Ko 8:1-7—Nsafo a na ɛwɔ asomafo no bere so no yii wɔn yam boaa wɔn nuanom a wɔakɔ ahokyere mu, na ɛno ma yehu sɛ na wɔdodɔ wɔn ho, na na wɔyɛ baako
-
Sɛ ebinom ka sɛ wɔgye Kristo di a, ɛno ara kyerɛ sɛ wɔn som sɔ Onyankopɔn ani anaa?
Sɛ ɔsom bi mufo mfa Kristo ne asomafo no nkyerɛkyerɛ nyɛ adwuma a, wɔn som no sɔ ani anaa?
-
Ɛho nhwɛso a ɛwɔ Bible mu:
-
Mt 13:24-30, 36-43—Yesu maa mfatoho bi de kyerɛe sɛ, atoro Kristofo pii bɛba abewurawura asafo no mu, sɛnea nwura bɔne fifi wɔ afuw mu no
-
1Yo 2:18, 19—Ɔsomafo Yohane a n’ani afi no kaa sɛ ne bere so no, na wɔn a wɔsɔre tia Kristo bebree aba dedaw
-
Sɛ yɛsosɔ atoro nkyerɛkyerɛ ne ahohwibra so wɔ asafo no mu a, dɛn na ebesi?
Dɛn na ɛsɛ sɛ Kristofo yɛ na baakoyɛ atena wɔn mu?
Adɛn nti na ɛnsɛ sɛ Kristofo de wɔn ho hyɛ atorosom mu?
Adɛn nti na ɛyɛ ne kwan so na mfaso wɔ so sɛ yɛbɛma nkurɔfo ahu atoro nkyerɛkyerɛ ne nokware mu nsonsonoe?
Sɛ atorosom mufo tan yɛn ani anaa wɔtow hyɛ yɛn so mpo a, adɛn nti na ɛnsɛ sɛ ɛyɛ yɛn nwanwa?
Ebia W'Ani Begye Wei Nso Ho
NSƐM A NKURƆFO TAA BISA
Yehowa Adansefo ne Ɔsom Afoforo Bom Yɛ Asɔre Anaa?
Bible mu nsɛm bɛn na wogyina so de yi asɛmmisa a ɛte saa ano?
ƆWƐN-ABAN
Gyidi Afrafra
Esiane asomdwoe ne nkabom a yɛrehwehwɛ nti, ɛsɛ sɛ yɛne ɔsom afoforo bom som anaa? Wuhu nea Bible ka wɔ asɛm no ho a, ɛbɛyɛ wo nwonwa.
BIBLE NSƐMMISA HO MMUAE
Ɔsom Ahorow Nyinaa Yɛ Pɛ? Ne Nyinaa Twe Yɛn Bɛn Onyankopɔn Anaa?
Bible aka nneɛma mmienu bi a ɛboa yɛn ma yenya ho mmuae.
YƐN HO NSƐM
Ma Obi Ne Wo Mmesua Bible
Hwɛ nea Bible ka fa asɛm bi a ɛkyere w’adwene ho anaa sua Yehowa Adansefo ho nsɛm pii.
