Ɔfã 3
Efi Misraim ogye so besi Israel hene a odi kan so
Mose dii Israelfo no anim fii Misraim nkoasom mu beduu Bepɔw Sinai ho, faako a Onyankopɔn de ne mmara maa wɔn. Akyiri yi Mose somaa mmarima 12 sɛ wɔnkɔhwɛ Kanaan asase no. Nanso wɔn mu 10 de amanneɛbɔ bɔne bae. Wɔyɛ maa nkurɔfo no pɛe sɛ wɔsan kɔ Misraim. Esiane gyidi a wonni nti, Onyankopɔn twee Israelfo no aso ma wɔnantenantew sare no so mfe 40.
Akyiri yi wɔpaw Yosua ma odii Israelfo anim kɔɔ Kanaan asase no so. Sɛnea ɛbɛyɛ na aboa ma wɔn nsa aka asase no, Yehowa yɛɛ anwonwade ahorow bi. Ɔmaa Yordan Asubɔnten mu twae, Yeriko fasu bu gui, owia gyinaa faako da mũ nyinaa. Mfe nsia akyi no wogyee asase no fii Kanaanfo nsam.
Efi Yosua so no, atemmufo dii Israel so mfe 356. Yɛte wɔn mu bebree ho nsɛm, a Barak, Gideon, Yefta, Simson ne Samuel ka ho. Yɛkenkan mmea bi te sɛ Rahab, Debora, Yael, Rut, Naomi ne Delila nso ho nsɛm. Ne nyinaa mu no, Ɔfa a Ɛto so ABIƐSA yi ka mfe 396 mu abakɔsɛm.
IN THIS SECTION
ASƐM 38
Akwansrafo 12 No
Akwansrafo no mu du ano kɔɔ bɛnkoro mu, na mmienu a aka no nso kaa asɛm foforo. Hena asɛm na Israelfo no gye dii?
ASƐM 39
Aaron Poma Gu Nhwiren
Ɛbaa no sɛn na duasin a awu tumi guu nhwiren na ɛsow aba anadwo baako pɛ?
ASƐM 44
Rahab De Akwansrafo Hintaw
Sɛn na Rahab boaa mmarima mmienu no, na abisade bɛn na ɔde too wɔn anim?
ASƐM 45
Yordan Asubɔnten no Twa
Bere a asɔfo no tuu wɔn nan sii asubɔnten no mu no, anwonwade bi sii.
ASƐM 48
Gibeonfo a Wonim Nyansa
Gibeonfo no daadaa Yosua ne Israelfo no ma wɔhyɛɛ wɔn bɔ bi. Akyiri yi, Israelfo no behui sɛ wɔadaadaa wɔn, nanso wodii wɔn bɔhyɛ so.
ASƐM 49
Owia No Gyina Faako
Yehowa yɛɛ anwonwade bi maa Yosua. Nea ɔyɛe no, na ɔnyɛɛ bi pɛn, na efi saa bere no besi nnɛ, ɔnyɛɛ bi bio.
ASƐM 50
Mmea Akokodurufo Baanu
Barak na odii Israel anim kɔɔ ɔko, nanso adɛn nti na wɔde ɛho anuonyam no maa Yael?
ASƐM 52
Gideon Ne Ne Mmarima 300 No
Ná Onyankopɔn pɛ sɛ oyi asraafo kakraa bi ma wɔkodi ako, enti ɔsɔɔ wɔn hwɛe.
ASƐM 53
Yefta Bɔhyɛ No
Bere a Yefta hyɛɛ Yehowa bɔ no, na onnim sɛ ne babea no na ɔde betua saa bɔhyɛ no.
ASƐM 55
Abofra Ketewa Som Nyankopɔn
Bere a Samuel yɛ abofra no, Onyankopɔn de atemmusɛm bi somaa no sɛ ɔnkɔka nkyerɛ Ɔsɔfo Panyin Eli.