Satan sɔ nnipa hwɛ ma wɔyɛ nneɛma bɔne. Ɛho hia sɛ obi a ɔpɛ sɛ ɔyɛ Onyankopɔn adamfo no kyi nea Yehowa kyi. (Dwom 97:10) Nneɛma a ɛsɛ sɛ Onyankopɔn nnamfo kwati no bi ni:

Ɔbarima ne ɔbea nna ho bɔne ahorow. “Nsɛe aware.” (Exodus 20:14) Nna mu kyɛfa a wunya ansa na woaware no nso nteɛ.—1 Korintofo 6:18.

Asabow. “Asabofo . . . rennya Onyankopɔn ahenni.”—1 Korintofo 6:10.

Awudi, Yafunu a Wotu Gu. “Nni awu.”—Exodus 20:13.

Korɔnbɔ. “Mmɔ korɔn.”—Exodus 20:15.

Atorodi. Yehowa kyi “atoro tɛkrɛma.”—Mmebusɛm 6:17.

 Basabasayɛ ne Abufuhyew. “Obiara a n’ani gye awudisɛm ho no, [Yehowa] kyi no koraa.” (Dwom 11:5) “Ɔhonam nnwuma [no bi ne] . . . bobɔne.”—Galatifo 5:19, 20.

Kyakyatow. ‘Mo ne odifudepɛfo mmmɔ.’—1 Korintofo 5:11.

Ɔman ne Mmusua Ho Tan. “Monkɔ so nnɔ mo atamfo, na mommɔ mpae mma wɔn a wɔtaa mo.”—Mateo 5:43, 44.

Nsɛm a Onyankopɔn ka kyerɛ yɛn no fa yɛn yiyedi ho. Ɛnyɛ mmerɛw bere nyinaa sɛ yɛbɛkwati sɛ yɛbɛyɛ nneɛma bɔne. Wonam Yehowa ne N’adansefo mmoa so betumi akwati sɛ wobɛyɛ nneɛma a ɛnsɔ Onyankopɔn ani.—Yesaia 48:17; Filipifo 4:13; Hebrifo 10:24, 25.