Dwom 152
Yɛn Ahoɔden, Yɛn Anidasoɔ ne Yɛn Ahotɔsoɔ
Twe bi:
-
Onyankopɔn, yɛda w’ase paa,
yɛwɔ anidasoɔ.
Ɛma yenya abotɔyam,
yenya ahotɔsoɔ.
Nanso wiase mu haw adɔɔso,
ɛma dadwen yɛ kɛse.
Afei yɛn anidasoɔ no,
etumi brɛ ase.
(NNYESOƆ)
Yɛn ahoɔden
ne anidasoɔ ne wo.
Yenni obiara te sɛ wo.
Anigye na yɛde
ka asɛmpa no.
Woka yɛn ho nti yensuro.
-
O Yehowa, ma yɛn ahoɔden,
boa yɛn w’adwuma mu.
Yɛde yɛn ho ahyɛ wo nsa
wɔ yɛn haw nyinaa mu.
Yɛboto a yehia ahoɔden,
yɛsrɛ wo sɛ ma yɛn so.
Boa ma yennya akokod’ro
a yɛde bɛsom wo.
(NNYESOƆ)
Yɛn ahoɔden
ne anidasoɔ ne wo.
Yenni obiara te sɛ wo.
Anigye na yɛde
ka asɛmpa no.
Woka yɛn ho nti yensuro.
(Hwɛ Dw. 72:13, 14; Mmeb. 3:5, 6, 26; Yer. 17:7 nso.)