Akokoakoko bebree rekɔ so wɔ wiase, na akɔfa ɔhaw ne abɛbrɛsɛ pii abɛto nnipa so. Tie amanneɛbɔ a edidi so yi:

•   “Afe a etwaa mu no, nnipa dodow a ewuwui wɔ ɔko mu no, bɛyɛ mfe 28 ni, ebi nsii saa da. Nnipa a ewuwui no, dodow no ara fi ɔko a ɛrekɔ so wɔ Ethiopia ne nea ɛrekɔ so wɔ Ukraine no.”—Peace Research Institute Oslo, June 7, 2023.

•   “Ɛnyɛ Ukraine ko no nko ara na emu yɛɛ den wɔ afe 2022 mu. Ɔko bebree na emu yɛɛ den saa afe no. Ntɔkwaw a amanyɔsɛm akɔfa aba wiase no, afe a etwaa mu no, ɛkɔɔ n’anim ɔha mu nkyɛm 27, na nnipa bɛyɛ ɔpepepem 1.7 (1.7 billion) na akɔfa nsunsuanso abrɛ wɔn.”— The Armed Conflict Location & Event Data Project (ACLED), February 8, 2023.

 Bible ma yenya anidaso. Ɛka sɛ, “ɔsoro Nyankopɔn no de ahenni bi bɛba. Wɔrensɛe saa ahenni no da.” (Daniel 2:44) Sɛ Onyankopɔn de saa Ahenni anaa saa aban no ba a, ɛbɛma ‘akodi agyae wɔ asaase nyinaa so.’—Dwom 46:9.