Nnwumakuw bi a ɛwɔ U.S. a wɔhwɛ siw nyarewa ano (Centers for Disease Control and Prevention) yɛɛ nhwehwɛmu bi. Ná ɛfa mmarimaa ne mmaayewa a wɔnnya nnii mfe 20 a wɔte U.S. ho. Dwoda, February 13, 2023 no, wɔde too gua sɛ mmarimaa ne mmaayewa a wɔkɔ ntoaso sukuu no, wɔn mu bɛyɛ fã de, awerɛhow tumi hyɛ wɔn so kyɛ, na wɔn aba mu tumi bu ara ma wɔnhu nea wɔnyɛ wɔn ho.

 Asoɛe a wɔhwɛ siw nyarewa ano no, ne nkorabata baako bi wɔ hɔ a wɔhwɛ mmabun ne sukuufo apɔwmuden ho nsɛm so; yɛfrɛ no Division of Adolescent and School Health (DASH). Panyin a ɔda ano a yɛfrɛ no Dr. Kathleen Ethier kaa sɛ: “Adwene mu yare a ɛreteetee mmarimaa ne mmaayewa no, wohwɛ mfe 10 a abɛsen kɔ no a, kɔ ara na ɛrekɔ soro. Nanso seesei de, asɛe koraa. Mmaayewa a wɔnnii mfe 20 sei, wɔn mu bebree anya adwene mu yare, na pii nso, ɛwɔ hɔ ara a na abesi wɔn tirim sɛ wɔnkum wɔn ho. Sɛnea saa ade no rekɔ soro nnansa yi no, ebi nsii saa da.”

 Amanneɛbɔ no mu no, wɔsan kaa sɛ:

•   Mmaayewa a wɔnnii mfe 20 no, sɛ wuyi 100 biara a, emu 14 de, nkurɔfo ahyɛ wɔn ne wɔn ada. Dr. Ethier kaa sɛ: “Wei haw adwene paa. Kyerɛ sɛ mmaayewa 10 biara a wubehyia wɔn no, anyɛ hwee koraa baako de, yɛato no mmonnaa pɛn.”

•   Mmaayewa a wɔnnii mfe 20 no, wuyi 100 biara a, emu bɛyɛ 30 de, wɔyɛɛ wɔn adwene sɛ wɔbekum wɔn ho.

•   Mmaayewa a wɔnnii mfe 20 no, wuyi 100 biara a, emu 57 de, awerɛhow ahyɛ wɔn so akyɛ, na wɔn aba mu abu ara ma wɔnhu nea wɔnyɛ wɔn ho.

 Nsɛm bi sei yɛ awerɛhow paa, efisɛ obi yɛ aberante anaa ababaawa a, saa bere no paa na anka ɛsɛ sɛ n’ani gye. Ateetee a mmarimaa ne mmaayewa nam mu nnɛ no, dɛn na ɛbɛboa wɔn ama wɔagyina ano? Dɛn na Bible ka?

Nsɛm pii wɔ Bible mu a ebetumi aboa mmarimaa ne mmaayewa

 Bible ka no pen sɛ, yɛte ahokyere mmere mu. Ɛka sɛ mmere a yɛte mu yi yɛ “mmere a emu yɛ den.” (2 Timoteo 3:1-5) Nanso afotusɛm bebree wɔ Bible mu a ɛreboa mmarimaa ne mmaayewa ɔpepem pii a wɔwɔ wiase baabiara ama wɔatumi agyina ɔhaw a wɔrehyia no ano. Wo de, hwɛ nsɛm a ɛwɔ ase ha yi.

•   What if I Don’t Want to Live Anymore?

•   Sɛ Minya Adwene Sɛ Minkum Me Ho a, Bible Betumi Aboa Me Anaa?

•   Ehia Wo a Nwu

•   How Can I Deal With Depression?

•   Mɛyɛ Dɛn Anya Nneɛma Ho Adwempa?

•   How Can I Deal With Anxiety?

•   How Can I Control My Emotions?

•   Wo Werɛ How a, Dɛn Na Ɛbɛma W’ani Agye? (nneɛma a wɔadrɔdrɔ ayɛ no video)

•   Sɛ Nkurɔfo Sisi Me a, Menyɛ Dɛn?

•   What if I’m Being Cyberbullied?

•   Di Osisifo So Nkonim a Wontow Twɛre (nneɛma a wɔadrɔdrɔ ayɛ no video)

•   How Can I Deal With Sexual Harassment?

•   What Should I Know About Sexual Assault?—Part 1: Precautions

•   What Should I Know About Sexual Assault?—Part 2: Recovery

Nsɛm pii wɔ Bible mu a ebetumi aboa awofo

 Afotusɛm bebree wɔ Bible mu a ebetumi aboa awofo ama wɔahu sɛnea wɔbɛboa wɔn mma mmarimaa ne mmaayewa ama wɔatumi agyina ɔhaw a wɔhyia no abrabɔ mu no ano. Wo de, hwɛ nsɛm a ɛwɔ ase ha yi.

•   Adwenemhaw Redi Mmabun Nya—Adɛn Ntia? Dɛn na Ɛbɛboa?

•   Sɛ Adwennwene Bɛtɔ Wo Ba Abaayewa So a, Dɛn na Wobɛyɛ?

•   Sɛ Obi Resisi Me Ba a, Menyɛ Dɛn?

•   Bere a Wo Babun Hyɛ Da Pira Ne Ho

•   Children and Social Media—Part 1: Should My Child Use Social Media?

•   Children and Social Media—Part 2: Teaching Your Teenager Social Media Safety

•   Mmofra Ne Smatfon—Ɔfã 1: Ɛsɛ Sɛ Mema Me Ba Smatfon Anaa?

•   Mmofra Ne Smatfon—Ɔfã 2: Kyerɛ Wo Mma Sɛnea Wɔde Smatfon Bɛyɛ Adwuma Yiye

•   Sɛnea Wobɛka Aguamansɛm a Wɔde Mena Ho Asɛm Akyerɛ Wo Babun