Kenkan Atemmufo 11:​30-40; sɛnea Yefta ne ne babea no dii wɔn bɔhyɛ so no, hwɛ nea wubetumi asua afi mu.

Kenkan ho nsɛm pii. Israelfo a na wɔdi Yehowa nokware no, wɔhyɛ bɔ a na wɔbu no sɛn? (Num. 30:2) Dɛn na Yefta ne ne babea no yɛe a na ɛkyerɛ sɛ wɔwɔ Yehowa mu gyidi?—Atem. 11:​9-11, 19-24, 36.

Yɛ ho nhwehwɛmu. Bere a Yefta hyɛɛ Yehowa bɔ no, dɛn na na ɛwɔ n’adwenem? (w16.04 5 ¶12) Dɛn na Yefta ne ne babea no de bɔɔ afɔre na ama wɔatumi adi wɔn bɔhyɛ no so? (w16.04 6-7 ¶14-16) Ɛbɔ bɛn na Kristoni betumi ahyɛ nnɛ?—w17.04 5-8 ¶10-19.

Hwehwɛ asuade no. Bisa wo ho sɛ:

• ‘Ɛbɔ a mahyɛ Yehowa sɛ mɛsom no daa no, dɛn na ɛbɛboa me ma madi so?’ (w20.03 13 ¶20)

• ‘Dɛn na metumi de abɔ afɔre na ama matumi asom Yehowa yiye?’

• ‘Aware ntam a mekae no, dɛn na ɛbɛboa me ma madi so?’ (Mat. 19:​5, 6; Efe. 5:​28-33)