Kenkan Yeremia 38:​1-13, na ɛbɛboa wo ma woahu sɛnea odiyifo Yeremia ne ahemfie panyin Ebed-Melek daa akokoduru adi.

Kenkan ho nsɛm pii. Ɔkwan bɛn so na Yeremia daa akokoduru adi bere a na ɔreka asɛm a Yehowa de asoma no no? (Yer. 27:​12-14; 28:​15-17; 37:​6-10) Nkurɔfo tee asɛm no, wɔyɛɛ wɔn ade sɛn?—Yer. 37:​15, 16.

Yɛ ho nhwehwɛmu. Dɛn na Yudafo no hyɛɛ no sɛ ɔnyɛ? (jr 26-27 ¶20-22) Sɛnea na mmura te wɔ tete mmere no mu no, yɛ ho nhwehwɛmu. (it-1-E 471) Bere a wɔde Yeremia too abura a atɛkyɛ wom mu no, ɛbɛyɛ sɛ ɔtee nka sɛn? Ɛbɛyɛ sɛ dɛn na na Ebed-Melek suro?—w12 5/1 31 ¶2-3.

Hwehwɛ asuade no. Bisa wo ho sɛ:

• ‘Sɛn na saa asɛm yi boa me ma mihu sɛ Yehowa bɔ n’asomfo ho ban?’ (Dw. 97:10; Yer. 39:​15-18)

• ‘Tebea ahorow bɛn mu na ɛsɛ sɛ minya akokoduru?’

• ‘Sɛ mepɛ sɛ meyɛ nea ɛtene na nkurɔfo sɔre tia me a, mɛyɛ dɛn anya akokoduru?’ (w11-E 3/1 30) a