Awarefo bi a anɔpa biara wɔkenkan obi asetenam nsɛm ka sɛ: “Yɛkenkan saa nsɛm no a, ɛma yɛn ani gye na ɛhyɛ yɛn nkuran paa! Ɛkae yɛn sɛ tebea biara mu yɛn nso yebetumi adi nokware.” Onuawa bi nso kaa biribi saa. Ɔkaa sɛ: “Asetenam nsɛm yi kyekye me werɛ, ɛkanyan me, na etumi hyɛ me nkuran. Yɛn nuanom asetenam nsɛm ma mihu sɛ biribi papa bi si wɔn ani so, na wɔwɔ akomatɔyam. Wɔn nsɛm no kanyan me ma meyɛ pii wɔ asɛnka adwuma no mu, na ɛma mihu sɛnea mɛboa me mma ma wɔde bere nyinaa som adwuma no asi wɔn ani so.”

Yɛn nuanom asetenam nsɛm betumi akanyan wo ma wode botae pa asisi w’ani so, woadi wo mmerɛwyɛ so, na wode anigye agyina sɔhwɛ a emu yɛ den ano. Ɛhe na wubenya asetenam nsɛm yi?

• Hwɛ nsɛm a ɛba toatoa so a yɛato din “Yehowa Adansefo Binom Asetenam Nsɛm” wɔ jw.org anaa JW Library®.

• Bɔ “Yehowa Adansefo Binom Asetenam Nsɛm” hyɛ hwehwɛ afã a ɛwɔ Ɔwɛn-Aban INTANƐT SO NHOMAKORABEA^™ anaa Watchtower Library hɔ no.