Yehowa de adwumasono bi ahyɛ awofo nsa. Ɛne sɛ wɔbɛkyerɛkyerɛ wɔn mma ne ho ade. (Efe. 6:4) Yehowa ahyehyɛde no ayɛ nhoma, video ne nnwom ahorow a ɛbɛboa awofo ma wɔatumi ayɛ saa. Wobɛyɛ dɛn de atete wo mma?

• Wokɔ JW.ORG a, biribiara a wɔayɛ ama mmofra no, wubehu wɔ hɔ. Ebi ne video ne dwumadi nkrataa. a Sɛ wopɛ sɛ wuhu bi a, bɔ “Mmofra” anaa “Mmabun” hyɛ search afa hɔ.

• Hwehwɛ nea ɛbɛboa wo ba no. Nsɛm a ɛwɔ ɔfa a yɛato din “Mmofra” no, ɛbɛma woahu nea ɛbɛboa wo ba no.

• Nnyaw mma ɔno nko ara. Video anaa dwumadi nkrataa no, nnyaw mma wo ba no sɛ ɔmfa nnyigye n’ani kɛkɛ. Mmom, wo ne no nsusuw ho, na boa no ma ɔne Yehowa mfa adamfo.