EBINOM GYE DI sɛ yewu a, yɛkɔtoa abrabɔ so wɔ baabi foforo. Ebinom nso gye di sɛ yewu a, na asa. Wo nso, wo gyidi ne dɛn?

NEA BIBLE NO KA

“Awufo de, wonnim biribiara.” (Ɔsɛnkafo 9:5) Enti sɛ yewu a, yɛnkɔtoa abrabɔ so wɔ baabiara.

NEA BIBLE SAN KA

• Bere a Adam wui no, ɔsan kɔɔ dɔte mu. (Genesis 2:7; 3:19) Enti obiara a Obewu no, ɔsan kɔ dɔte mu.—Ɔsɛnkafo 3:19, 20.

• Sɛ obi wu a, na wɔabu no bem afi ne bɔne nyinaa ho. (Romafo 6:7) Enti obi wu a, bɔne ho asotwe biara nni hɔ bio.

WUBEYI ANO SƐN?

• Yiw

• Dabi

• Ebia

NEA BIBLE NO KA

‘Bere bi bɛba a nkurɔfo bɛsɔre afi awufo mu.’—Asomafo Nnwuma 24:15.

DƐN BIO NA BIBLE NO KA?

• Bible taa de owu toto nna ho. (Yohane 11:11-14) Sɛnea yetumi nyan obi a wada no, saa ara na Onyankopɔn nso betumi anyan obi a wawu.—Hiob 14:13-15.

• Wokenkan Bible a, wubehu sɛ owusɔre ho nsɛm pii wom, enti ɛma yenya gyidi sɛ daakye wobenyan awufo.—1 Ahene 17:17-24; Luka 7:11-17; Yohane 11:39-44.