SƐNEA YEBETUMI ADI ƆTAN SO NKONIM
1 | Nyɛ Nyiyim
Bible Afotusɛm:
“Onyankopɔn nyiyi nnipa mu, na mmom ɔman biara mu no, onipa a osuro no na ɔyɛ nea ɛteɛ no, ogye no tom.”—ASOMAFO NNWUMA 10:34, 35.
Nea Ɛkyerɛ:
Yehowa * Nyankopɔn nhwɛ ɔman a obi fi mu, sɛ́ ɔyɛ bibini anaa buroni, anaa n’amammerɛ; ɔne nnipa nyinaa di no pɛ. Nea ehia no paa ne nea ɛwɔ yɛn komam. Bible ma yehu sɛ, “onipa dasani hwɛ nea etua aniwa, na Yehowa de, ɔhwɛ komam.”—1 Samuel 16:7.
Nea Wubetumi Ayɛ:
Ɛwom yɛrentumi nhu nea ɛwɔ obi komam, nanso yebetumi asuasua Yehowa na yɛabɔ mmɔden sɛ yɛrenyiyi nnipa mu. Obiara a wubehyia no no, bɔ mmɔden sɛ wubenya ne ho adwempa. Nhwɛ baabi a ofi, sɛnea ɔte, anaa kasa a ɔka so ne no nni. Sɛ wuhu sɛ ɔman a obi fi mu, kasa a ɔka, anaa biribi foforo nti woreyɛ anya ne ho adwemmɔne a, bɔ Onyankopɔn mpae na srɛ no sɛ ɔmmoa wo na yi saa adwene no fi wo tirim. (Dwom 139:23, 24) Sɛ wufi wo koma nyinaa mu srɛ Onyankopɔn sɛ ɔmmoa wo sɛnea ɛbɛyɛ a worenyinyi nnipa mu a, ɔbɛboa wo dodo.—1 Petro 3:12.
^ nky. 6 Yehowa yɛ Onyankopɔn din.—Dwom 83:18.
“Paa sɛ me ne buroni bɛtena ase a obiara nka ne yɔnko de, na ebi nsii da . . . Abusua a mabɛka ho no, emufo dodɔ wɔn ho paa.”—TITUS
Ebia W'Ani Begye Wei Nso Ho
ƆWƐN-ABAN
Yehowa “Nhwɛ Nnipa Anim”
Onyankopɔn tie n’asomfo mpaebɔ; ɔnhwɛ abusua a wofi mu, ɔman a wofi mu anaa wɔn sika. Yɛyɛ dɛn hu saa?
NYAN!
Deɛn na Bible Ka Wɔ Nnipa mu Nyiyim Ho?
Nnipa nyinaa yɛ pɛ anaa? Enti nnipa mu nyiyim to betwa?
NYAN!
Ɔtanhunu—Saa Suban No Bi Wɔ Wo Ho Anaa?
Nneɛma bɛn na yɛyɛ a ebetumi akyerɛ sɛ yɛwɔ afoforo ho adwemmɔne?
