“Mepɛ sɛ m’abusua gyina. Me ne me yere ahyia nsɛnnennen wɔ yɛn aware mu nnansa yi, titiriw bere a yɛwoo yɛn mma no. Yehia mmoa”

BIBLE KA SƐ:

“Nyansa na wɔde kyekye ofie, na nhumu na ɛma egyina.”—Mmebusɛm 24:3.

NNEƐMA PA A ƐWƆ DWUMADIBEA HƆ

“Awarefo & Awofo” afã hɔ no betumi aboa wo ma woagyina nsɛnnennen a ɛte sɛ nea edidi so yi ano:

• Afe a edi kan wɔ aware mu nsɛnnennen a wogyina ano

• Sɛnea wo ne wo nsenom bedi nsɛm

• Mmofra ntetee

• Akasakasa

• Sɛnea wodi sikasɛm ho nsɛm so

(Kɔ BIBLE TEACHINGS > COUPLES & PARENTS)

Nea Ɛde Abusua mu Anigye Ba yɛ nhoma a ɛka abusua ho nsɛm pii, fi bere a woyɛ osigyani a woresiesie wo ho ama aware de kosi awofo a wɔn mfe akɔ anim a wɔhwɛ wɔn so.

(Ɛsan wɔ Intanɛt so wɔ www.pr418.com. Kɔ NHOMA AHOROW > NHOMA & NHOMAWA)

“Me mma ho hia me sen biribiara. Mepɛ sɛ wonyin bɛyɛ mpanyin pa”

BIBLE KA SƐ:

“Tete abofra wɔ ɔkwan a ɛfata so; sɛ onyin a, ɔremfi ho.”—Mmebusɛm 22:6.

NNEƐMA PA A ƐWƆ DWUMADIBEA HƆ

Wɔ “Mmofra” afã hɔ no, wubehu Bible mu nsɛm a wɔayɛ ho mfonini, abusua nsusuw ho, video ahorow ne Bible adesua a ebetumi aboa wo ma woakyerɛkyerɛ wo mma na . . .

• wɔayɛ osetie

• wɔada ayamye adi

• wɔahu sɛnea wɔne afoforo bɛbɔ

• wɔasua sɛnea wɔbɛka “meda wo ase”

(Kɔ BIBLE TEACHINGS > CHILDREN)

Me Nhoma a Ɛka Bible Mu Nsɛm ne Suasua Ɔkyerɛkyerɛfo Kɛse No yɛ nhoma a wɔayɛ mfonini a ɛyɛ fɛ wom sɛ wo ne wo mma nkenkan.

(Ɛsan wɔ Intanɛt so wɔ www.pr418.com. Kɔ NHOMA AHOROW > NHOMA & NHOMAWA)

“Mepɛ nyansahyɛ a ɛbɛboa me ma madi me sukuu, m’awofo, me nnamfo, ne wɔn a ɛsono me ne wɔn bɔbeasu ho nsɛm ho dwuma. Menyɛ abofra bio, enti mempɛ sɛ obi kyerɛ me nea menyɛ”

BIBLE KA SƐ:

“Ma wo koma nhu anigye wo mmabunberem.”—Ɔsɛnkafo 11:9.

NNEƐMA PA A ƐWƆ DWUMADIBEA HƆ

Sɛ wohwɛ “Mmabun” afã hɔ a, wubehu nsɛm ne video ahorow a ebetumi aboa wo . . .

• sɛ́ woayɛ ankonam

• sɛ́ worehyia ɔhaw wɔ sukuu mu

• sɛ́ woabu ofie mmara bi so

• sɛ́ obi resisi wo anaa ɔde nna ho asɛm reteetee wo

(Kɔ BIBLE TEACHINGS > TEENAGERS)

Questions Young People Ask—Answers That Work Volume 1 ne 2 nhoma no de nsɛmmisa 77 a ɛho hia a wɔtaa bisa no ho mmuae ma.

(Ɛsan wɔ Intanɛt so wɔ www.pr418.com. Kɔ PUBLICATIONS > BOOKS & BROCHURES)

“Mepɛ sɛ mete Bible no ase. Dɛn na ɛsɛ sɛ meyɛ?”

BIBLE KA SƐ:

“Kyerɛwnsɛm no nyinaa fi Onyankopɔn honhom mu, na eye ma ɔkyerɛkyerɛ.”—2 Timoteo 3:16.

NNEƐMA PA A ƐWƆ DWUMADIBEA HƆ

Kyerɛw Kronkron—Wiase Foforo Nkyerɛase no yɛ Bible nkyerɛase a ɛyɛ pɛpɛɛpɛ a ne kenkan nyɛ den.

(Kɔ NHOMA AHOROW > BIBLE)

“Bible Nsɛmmisa Ho Mmuae” afã no de nsɛmmisa ahorow a efi “Dɛn nti na Onyankopɔn maa kwan ma Nasifo kunkum Yudafo pii?” kosi “Bere bɛn na wɔwoo Yesu?” no ho mmuae tẽẽ ma.

(Kɔ BIBLE TEACHINGS > BIBLE QUESTIONS ANSWERED)

“Ma Obi ne Wo Mmesua Bible a Wuntua Hwee” afã no bɛma woanya obi a ɔne wo besua Bible a wuntua hwee.

(Klik “Ma Obi ne Wo Mmesua Bible” no so wɔ mfiase afã hɔ)

“Migyaee Bible akenkan efisɛ na mente ase. Nanso bere a mefaa ‘Dɛn na Bible Kyerɛkyerɛ Ankasa?’ nhoma de suaa Bible no, mibehui sɛ asete nyɛ den na emu da hɔ, na ɛmaa me ho dwiriw me.”—Christina.