WIASE NSƐM
Nea Ɛrekɔ so Wɔ Nyamesom Mu
Sɛ yɛbɛka a, anka ɛsɛ sɛ nyamesom ka yɛn bom, nanso ɛno mmom na ɛde mpaepaemu ne ntɔkwa ba.
Wiase
Sɛ wokyɛ wiase nnipa mu nnan a, emu mmiɛnsa te aman a wɔabra nyamesom mu, anaasɛ ebia nnipa a wɔwɔ hɔ mpɛ nyamesom. Yɛhwɛ mfie kakra a abɛsen kɔ no a, yɛhu sɛ nnipa pii resɔre tia nyamesomfoɔ.
SUSU HO: Adɛn nti na ebinom tan nyamesomfoɔ?—Mateo 23:27, 28; Yohane 15:19.
England
Ɔmanpanin dada Tony Blair kaa wɔ atesɛm krataa a ɛde Observer mu sɛ, nyamesom ama amumɔyɛsɛm abu so. Ɔtoaa so sɛ: “Ntɔkwa a ɛrekɔ so nnansa yi no mu pii mfi amanyɔsɛm te sɛ kane no. Mmom mpɛn pii no, ɛfi nneɛma bi te sɛ nyamesom ne kasa a obi ka.”
SUSU HO: Adɛn nti na nyamesom apaapae nnipa mu saa?—Marko 7:6-8.
Australia
Australia Asoɛe a ɛhwɛ ɔman no akontaabu so bɔ amanneɛ sɛ, sɛ woyi Australiafoɔ 5 si hɔ a, 1 nni ɔsom biara mu. Asoɛe no san ka sɛ: “Wɔn a wɔseɛ sɛ wɔkɔ asɔre mpo no, ɛnyɛ papa biara.” Sɛ woyi mmarima 100 a wɔse wɔkɔ asɔre si nkyɛn a, wɔn mu 15 pɛ na wɔtaa de wɔn ho hyɛ asɔre no dwumadie mu, na mmaa nso 22 pɛ na wɔyɛ saa.
SUSU HO: Nneyɛe bɔne bɛn na ɛrekɔ so wɔ ɔsom ahodoɔ mu nnɛ?—Mateo 7:15-20.
Ebia W'Ani Begye Wei Nso Ho
ƆWƐN-ABAN
Enti Wubetumi Anya Ɔsom Bi Mu Awerɛhyem?
Ɔsom bi adi wo huammɔ pɛn? Ɛnde ebetumi ayɛ den ama wo sɛ wubenya ɔsom foforo bi mu awerɛhyem. Ɛba saa a, Bible a wubesua no betumi aboa wo sɛn?
