Ɛnnɛ wohwɛ wiase a, wutumi hu sɛ obu ho akɔ atwee, enti sɛ obi yɛ biribi de kyerɛ sɛ obu ade a, asɛ wayɛ biribi a ɛyɛ nwanwa.

Ɛho nhwɛso ne sɛ, nnipa pii mmu wɔn yɔnko, wɔn awofo, mpanyimfo, polisifo, wɔn adwumawuranom, ne wɔn akyerɛkyerɛfo. Sɛ wokɔ sohyia midia so a, anoɔyaw de, nkurɔfo fa no kwa! Nsɛmma nhoma bi a wɔato din Harvard Business Review ka sɛ, nneɛma a nkurɔfo yɛ a ɛkyerɛ sɛ wɔmmu ade no, “kɔ ara na ɛrekɔ n’anim.” Nhoma no ka kaa ho sɛ, “nnipa pii reka ho asɛm, na wɔfi kaa ho asɛm mpo akyɛ.”