‘Monna Yehowa Adansefo Ase Wɔ Nyamesom mu Ahofadi Ho’

ATESƐM krataa USA Today mu asɛm bi ka sɛ: “Ansa na wobɛka wo pon atom bere a Yehowa Adansefo aba wo nkyɛn no, gyina na susuw ɔtaa a ɛyɛ animguase a wohyiae nkyɛe, ne boa a wɔboaa kɛse ma wɔyɛɛ ahofadi mu Nsakrae a Edi Kan a yɛn nyinaa nya so mfaso no ho.” Nneɛma a ɛma wɔtaa Yehowa Adansefo wɔ United States wɔ 1940 mfe no nyinaa mu no bi ne frankaa a wɔankyia.—Exodus 20:4, 5.

Nsɛm a ɛfa Yehowa Adansefo ho bɛyɛ 30 na ɛbaa U.S. Asɛnnibea Kunini no anim wɔ mfirihyia anum mu wɔ afe 1938 ne 1943 ntam. Asɛm no kɔ so ka sɛ: “Adansefo no kɔfaa Nsakrae a Edi Kan no ho ɔsɛmpɔw bae mpɛn pii maa Ɔtemmufo Harlan Fiske Stone kyerɛw ho asɛm sɛ, ‘Ɛsɛ sɛ Yehowa Adansefo nya akyɛde bi esiane boa a wɔboa ma yedii ɔmanfo ahofadi ho nsɛnnennen ho dwuma wɔ mmara kwan so nti.’”

Enti, bere a asɛm no reba awiei no, ɛkae sɛ: “Ɛsɛ sɛ nyamesom ahorow nyinaa da Yehowa Adansefo ase wɔ [nyamesom] ho ahofadi ntrɛwmu ho.”

[Mfonini Ahorow Fibea wɔ kratafa 32]

Background, building: Photo by Josh Mathes, Collection of the Supreme Court of the United States; lower left, justices: Collection of the Supreme Court of the United States