“Afei Mahu Nea Ɛhaw Me No!”

SAA na ɔbarima bi a ɔwɔ Tokyo tee nka bere a ɔkenkanee asetram nsɛm a ɛwɔ December 1, 2000 Ɔwɛn-Abam mu asɛm bi no. Na asɛmti no ne sɛ “Munnim Nea Ɛbɛba Ɔkyena,” na na ɛfa obi a na kan no na ɔyɛ ɔsɛmpatrɛwfo a onyaa yare bi a nnuruyɛfo frɛ no manic-depressive psychosis (adwene mu yare a ɛma obi yɛ nneɛma ma ɛboro so) ho.

Ɔbarima a ofi Tokyo no kaa wɔ ne krataa a ɔkyerɛw kɔmaa wɔn a wɔkyerɛw nsɛmma nhoma yi mu sɛ: “Mihu nea ɛkyerɛ sɛ obi wɔ yare no bi no nyinaa bi wɔ me ho. Enti mekɔɔ ayaresabea a wɔhwɛ wɔn a wɔwɔ adwenemhaw na mihui sɛ mewɔ adwenem yare a ɛma obi yɛ nneɛma mmoroso no bi. Oduruyɛfo a ɔhwɛɛ me no ho dwiriw no. Ɔkae sɛ, ‘Nnipa a wɔwɔ saa yare yi bi no ntaa nsusuw sɛ wɔyare.’ Ɔboaa me ma mihuu sɛ mewɔ yare no bi a anka akyi dodo.”

Nnipa mpempem pii a wɔwɔ wiase nyinaa no nam Ɔwɛn-Aban ne Nyan! mu nsɛm biara a wɔkenkan no so nya mfaso ahorow pii. Wohu nsɛm a ɛwom no sɛ aba wom na ɛma akomatɔyam. Seesei wotintim Ɔwɛn-Aban no wɔ kasa horow 141 mu, na wotintim Nyan! nso wɔ kasa horow 86 mu. Wo nso w’ani betumi agye Ɔwɛn-Aban ne Nyan! no a wobɛkenkan no da biara da no ho.