Adeyɛ Titiriw a Ɛho Hia Wɔ Abakɔsɛm Mu

ƐYƐ Yesu Kristo wu no. Dɛn nti na ɛho hia saa? Nneɛma pii ntia.

Nokware a Yesu di kosii owu mu no daa no adi sɛ onipa betumi akura ne mudi mu ama Onyankopɔn.

Kristo wu no buee kwan maa ebinom sɛ wɔne no bedi ade wɔ ɔsoro. Saa ara nso na abue kwan ama nnipa pii sɛ wobenya daa nkwa wɔ asase so paradise mu.

Anadwo ansa na Yesu rewu no, ɔde abodoo a mmɔkaw nnim ne bobesa kɔkɔɔ dii dwuma sɛnkyerɛnne kwan so de daa ɔdɔ mu a na ofi de ne nipadua rebɛbɔ afɔre no adi. Na ɔka kyerɛɛ n’asuafo no sɛ: “Monyɛ eyi mfa nyɛ me nkae.” (Luka 22:19) So wobɛkae saa adeyɛ a ɛho hia yi?

Yehowa Adansefo de anigye to nsa frɛ wo sɛ bɛka wɔn ho na monhyɛ Yesu wu Nkaedi yi ho fa. Afe yi, da a wɔde bɛyɛ saa afahyɛ yi si Yawda, March 28, bere a owia akɔtɔ no. Wubetumi akɔ Ahenni Asa a ɛbɛn wo fie sen biara no so. Yɛsrɛ sɛ bisa Yehowa Adansefo a wɔwɔ faako a wote no na wɔnkyerɛ wo bere ne beae pɔtee a wɔbɛyɛ no.