Bere a Ɛsɛ sɛ Woyi Kokoam Nsɛm Adi

Kokoam nsɛm binom a wɔkora so betumi ama nsonsonoe a ɛda asomdwoe ne akameakame ntam ada adi. Nanso so bere bi wɔ hɔ a woyi kokoam nsɛm adi? Hyɛ nea odiyifo Amos ka wɔ ne Nyankopɔn ho no nsow: “[Yehowa, NW] Nyankopɔn renyɛ biribi gye sɛ wayi n’agyina adi akyerɛ ne nkoa adiyifo no ansa.” (Amos 3:7) Yebetumi asua biribi afa kokoam nsɛm ho wɔ nsɛm yi mu. Yehowa betumi akora nsɛm bi so akosi bere bi ansa na wayi no adi akyerɛ ankorankoro binom. Ɔkwan bɛn so na yebetumi asuasua Yehowa wɔ eyi mu?

Ɛtɔ mmere bi a, nguanhwɛfo a wɔapaw wɔn wɔ Kristofo asafo no mu no hu sɛ mfaso wɔ so sɛ wɔrenna nsɛm bi adi. (Asomafo no Nnwuma 20:28) Sɛ nhwɛso no, bere a asafo no yiyedi wɔ wɔn adwenem no, ebia wobesi gyinae sɛ wɔbɛkora nhyehyɛe anaa nsakrae bi a wɔayɛ wɔ asafo no asɛyɛde ahorow mu bi so kosi bere pɔtee bi.

Nanso wɔ nsɛm a ɛte saa mu no, ɛho hia sɛ wɔhwɛ hu sɛ wɔbɛma nsɛm a ɛte saa mu ada hɔ ama wɔn a ɛfa wɔn ho no, ma wɔahu bere ko ne ɔkwan a wɔbɛfa so ada no adi. Bere a ɛsɛ sɛ wɔde asɛm bi to gua a wobehu no betumi aboa wɔn ma wɔakora kokoam nsɛm so.—Mmebusɛm 25:9.