“Ɛno Ne Ade a Ɛsen Biara a Wubetumi Ayɛ”

ALEXIS yɛ abarimaa a wadi mfirihyia anum a ɔte Mexico kuropɔn Morelia mu, a n’awofo sua Bible no na wɔkɔ Yehowa Adansefo nhyiam ahorow. Bere a ɔne n’abusua kɔɔ ɔmansin nhyiam bi no, ohuu ɔyɛkyerɛ bi a wɔyɛe a ɛfa afie afie adansedi ho. Prɛko pɛ na ɔdan kɔɔ ne papa nkyɛn bisaa no sɛ: “Paapa, Paapa, adɛn nti na wonkɔka asɛm no bi?” Ne papa buae se, “Meda so ara resua ade sɛnea abɛyɛ a metumi ayɛ saa.” Alexis fi anigye mu kae sɛ, “Paapa, ɛno ne ade a ɛsen biara a wubetumi ayɛ.”

Saa abofra ketewaa yi huu hia a ehia sɛ obi yɛ ade ma ɛne Yehowa ho nimdeɛ a ɔwɔ hyia no. Esiane sɛ na ɔne ne maame nua mma nkumaa te fie koro mu nti, odii kan bɔɔ Yehowa mpae na afei ɔkaa nea na ɔne n’awofo asua afi Me Nhoma a Ɛka Bible Mu Nsɛm mu no bi kyerɛɛ wɔn. Ɛwom sɛ na Alexis nnya nhuu akenkan de, nanso esiane mfonini a wɔde akyerɛkyerɛ nhoma no mu nti na onim emu nsɛm no yiye. Ɔkae mpo sɛ, na ɔpɛ sɛ ɔkɔ nkurɔfo nkyɛn wɔ wɔn afie mu ne wɔn kɔkyɛ Onyankopɔn atirimpɔw ahorow ho ade a na ɔresua no.

Nokwarem no, mmofra ne mpanyin nyinaa betumi atra ase ma ɛne nea Yehowa, ‘Ɔkronkronni no,’ hwehwɛ fi wɔn hɔ ma enti wɔanya hokwan a ɛkyɛn so a wɔde bedi ne ho adanse wɔ amanaman mu no ahyia. (Yesaia 43:3; Mateo 21:16) Akyinnye biara nni ho sɛ ɛno ne ade a ɛsen biara a obi betumi ayɛ.