Afe Foforo Dua So Efi Russia? Anaa Efi Kristosom Mu?

YELENA V. DUSHECHKINA a ɔyɛ ɔbenfo wɔ St. Petersburg State Sukuupɔn mu no kae sɛ: “Wɔ afe 1830 mfiase no, na wɔda so ara frɛ dua a n’ahaban mpo no sɛ ‘Germanfo adeyɛ a ɛyɛ fɛ.’ Bɛyɛ sɛ mfe du akyi no, St. Petersburg abirɛmpɔn no ‘begye toom’ de siesiee wɔn afie mu. . . . Wɔ afeha a ɛto so 19 mu no, na asɔfo ne ahiafo nkutoo na na wɔmfa dua no bi nsiesie wɔn afie. . . .

“Ansa na afeha a ɛto so 19 reba no, na dua no . . . nni anuonyam biara. Na wobu no sɛ owu ne ‘asamando’ sɛnkyerɛnne sɛnea Russiafo amammerɛ kyerɛ no, na eyi ne sɛnea wɔde dua no si asanombea dan atifi no ne nsakrae a wɔyɛe wɔ ho wɔ afeha a ɛto so 19 mfinimfini no nhyia. . . . Ntease wom koraa sɛ bere a wogyee saa dua a wɔde siesie afie mu toom no, aman foforo nso bɛtee ase sɛ ɛne Europafo Buronya dua no yɛ ade koro, kyerɛ sɛ, ɛyɛ Buronya ho ade. . . .

“Na ɛnyɛ mmerɛw sɛ Russiafo begye dua no atom sɛ Kristofo adeyɛ. Ortodɔks Asɔre no sɔre tiae. Asɔfo no behuu afe foforo ho amanne yi sɛ ‘adaemone adeyɛ,’ biribi a efi abosonsom mu a ɛne Agyenkwa no awo nni abusuabɔ biara. Bio nso ɛyɛ amanne a efi Europafo.”

[Mfonini Fibea wɔ kratafa 32]

Mfonini: Nikolai Rakhmanov