Mfiase no Wɔtaa Wɔn, Ewiee Ase no Wogyee Wɔn Toom

MFE bi a atwam no, Santiago ne ne yere Lourdes tu kɔɔ kurow fɛfɛ bi a ɛwɔ Peru a wɔfrɛ no Huillcapata mu kɔkaa Bible mu anidaso ho asɛm kyerɛɛ nnipa a wɔwɔ hɔ no. Nanso, ankyɛ na ɔsɔfo bi fi Cuzco kɔɔ hɔ ne kurom hɔfo kɔyɛɛ nhyiam. Ɔsɔfo no bɔɔ wɔn kɔkɔ sɛ Yehowa Adansefo a wɔaba hɔ no bɛma owuyare abobɔ wɔn na asukɔtwea akunkum wɔn anantwi na asɛe wɔn nnɔbae.

Ne “nkɔmhyɛ” no nyaa wɔn mu pii so nkɛntɛnso, na bɛboro asram asia no, kurom hɔfo no mu biara ampene so amma Santiago ne Lourdes ne wɔn ansua Bible no. Aban-krakye panyin bi a ne din de Miguel a ɔwɔ kurom hɔ taa Santiago ne Lourdes, na ɔpaa wɔn abo. Nanso, wɔkɔɔ so yɛɛ wɔn ade asomdwoe mu sɛnea Kristofo yɛ wɔn ade.

Bere bi akyi no, kurom hɔfo bi penee so ma wɔne wɔn suaa Bible no. Miguel mpo sesaa ne suban. Ofii ase ne Santiago suaa ade, ɔtew n’asanom so, na ɔbɛyɛɛ obi a ɔpɛ asomdwoe. Awiei koraa no, Miguel, ne yere ne ne mmabea mu baanu gyee Bible mu nokware no toom.

Ɛnnɛ, Yehowa Adansefo asafo a ɛredɔ wɔ saa kurow yi mu. Ɛyɛ Miguel anigye sɛ abo a ɔpaa Santiago ne Lourdes no ammɔ wɔn, na n’ani sɔ awarefo no wɔ asomdwoe ho nhwɛso pa a wɔyɛe no.

[Mfonini wɔ kratafa 32]

Asomdwoe a Santiago ne Lourdes (soro hɔ) daa no adi no maa Miguel (nifa so) sesaa ne suban