Sɛ Watchtower Library bɛyɛ adwuma wɔ wo dɛsktɔp kɔmputa anaa wo laptɔp kɔmputa so a, gye sɛ wowɔ Microsoft Windows 7 anaa Microsoft Windows a ɛyɛ foforo sen saa. Sɛ processor a ɛwɔ wo kɔmputa mu no yɛ ARM processor a, ɛnde gye sɛ wowɔ Windows 11 ansa na Watchtower Library atumi ayɛ adwuma wɔ so.

Sɛ bere biara a wubebue Watchtower Library no, ɛma wo mɛsegye wɔ skreen no so sɛ entumi ntwe nneɛma foforo a aba no a, ɛnde di akwankyerɛ a edidi so yi akyi. Ɛbɛma wo ara woatumi atwe nneɛma foforo a aba no agu so.

1. Kɔ jw.org, na bue ɔfã a yɛato din Fa Nneɛma Foforo a Aba Gu Watchtower Library So no.

2. Twe Watchtower Library Update Package a yɛayɛ ama wo kasa no.

3. Afei kɔ asɛmti ketewa a ɛwɔ ɔfã hɔ ara a yɛato din, “Wo Ara Fa Update Gu So” no. Akwankyerɛ a ɛwɔ asɛmti no ase no, di akyi.

Sɛ ne nyinaa akyi, Watchtower Library antumi antwe nneɛma foforo a aba no a, yɛ nea edidi so yi:

1. Bue File Explorer, na kɔ “C:\ProgramData\Watchtower\WTLibrary.”

2. Sɛ folda no bue a, diliiti fael mmienu a edidi so yi:

   • a. ca-bundle.zip

   • b. cert.pem

Nea yɛaka wɔ soro hɔ yi, sɛ ɛyɛ den ma wo sɛ wobɛyɛ a, ma w’adamfo bi a onim Watchtower Library mu mmoa wo, anaa wo ne Betel a ɛbɛn wo no nni ho nkitaho.

W’adamfo bi a onim Watchtower Library mu yiye betumi aboa wo. Wunni obi saa a, ɛnde wo ne Betel a ɛbɛn wo no nni nkitaho.