Moyɛ Amerika Matew-Me-Ho Kuw Bi Anaa?
Yɛn adwumayɛbea ti wɔ United States of America, nanso nea edidi so yi nti, yebetumi aka sɛ yɛnyɛ Amerika matew-me-ho kuw biara:
Ebinom kyerɛ sɛ matew-me-ho kuw yɛ nkurɔfo a wɔatew wɔn ho afi ɔsom bi ho. Yehowa Adansefo antew wɔn ho amfi ɔsom biara ho. Mmom no, yegye di sɛ Kristosom a na ɛwɔ hɔ asomafo no bere so no, ɛno na yɛasan akɔfa aba.
Yehowa Adansefo yɛ wɔn adwuma wɔ nsase ne aman bɛboro 230 so. Baabi a yɛte biara no, Yehowa Nyankopɔn ne Yesu Kristo na yɛdan wɔn na ɛnyɛ U.S. aban anaa aban foforo biara.—Yohane 15:19; 17:15, 16.
Yɛde yɛn nkyerɛkyerɛ nyinaa gyina Bible so; yɛmfa yɛn nkyerɛkyerɛ nnyina asɔre panyin bi a ɔwɔ United States nsɛm so.—1 Tesalonikafo 2:13.
Yenni onipa kannifo biara; Yesu ne yɛn kannifo.—Mateo 23:8-10.
Ebia W'Ani Begye Wei Nso Ho
NSƐM A NKURƆFO TAA BISA
Yehowa Adansefo Dodow Sɛn Na Ɛwɔ Wiase Nyinaa?
Hwɛ sɛnea yɛkan asafo biara mu nnipa dodow.
YƐN HO NSƐM
Kɔ Yɛn Nhyiam No Bi
Kenkan asɛm a ɛwɔ ha yi, na wubehu yɛn asafo nhyiam ho nsɛm pii. Wopɛ baabi a ɛbɛn wo a, wubetumi ahwehwɛ wɔ ha.