Tsamba Yekutanga ku Akorinti 8:1-13
8 Pa nyaya inocokuita no zvokurhya zvakapirhwa ku zvidhori ndinoti: Tinoziya kuti tese tino ruziyo. Ruziyo rinoita kuti munhu adzikudze, asi rudo rinobambisa.
2 Kana pano munhu unorangarira kuti pano caanoziya, aasati aziya hinga mushobo waanodikana kuziya.
3 Asi kana munhu ecida Mwari, iyena unoziikanwa naye.
4 Pa nyaya inocokuita no kurhya zvekurhya zvakapirhwa ku zvidhori, tinoziya kuti mufanikiso auseenzi ciro pa nyika uye kuti akuna Mwari umweni kunza ke umwe basi.
5 Ngokuti kunyazi kuno anozwi anamwari, kungadai kudenga kana pa nyika, ngokuti kuno “anamwari” akawanda no “madzitenzi” akawanda,
6 isusu tina Mwari umwe basi, Baba we zviro zvese, ndiena akatisika; uyewo kuna Tenzi umwe basi, Djesu Kristu, zviro zvese zviripo nge ndaa yake uye isusu takasikwa peciseenzeswa iyena.
7 Ngokudaro, andiwopi ese ano ruziyo iri. Asi amweni, ngokuti ainamata zvidhori kareko, kana akandorhya basi zvokurhya zvakapirhwa zvidhori, hana dzawo dzinoatongesa ngokuti dzakaremba.
8 Asi zvokurhya andizvopi zvinoita kuti tikhwedere dhuze na Mwari; atingazwi kuti tiri kushaisha kana tikatama kurhya, uye atingazwi kuti tiri kuita zvakanaka kana tikarhya.
9 Asi ngwarirai kuti citenderhwa cenyu ce kusanangura citame kugara buwe rinokuhunyisa aya ano kutenda kakadodoka.
10 Ngokuti kana munhu akakuona iwewe uno ruziyo wecirhya mu tempro ye zvidhori, hana yo munhu iyena uno kutenda kakadodoka aizomuitisi here kuti azogume pakurhya zvokurhya zvakapirhwa zvidhori?
11 Ngokudaro, ruziyo rako raunaro riri kukuwadza hama yako ino kutenda kakadodoka, iya yakafirhwa na Kristu.
12 Kana mecishaishira hama dzenyu nge mushobo uu uye mecikuwadza hana dzawo dzisina simba, muri kushaishira Kristu.
13 Ndiyo ndaa kana zvekurhya zveciita kuti hama yangu ikuhunyike, andicazomborhyizve nyama, kuti nditame kukuhunyisa hama yangu.
