Akatarhwa na Marko 16:1-8
-
Djesu anomutswa (1-8)
16 Hino mumasure me Sabudu, Mariya Madharena, Mariya mai a Tiyago uye Sarome, akatenga zvinonuhwirira kuti aende koodzodza mutumbi wa Djesu.
2 Uye pa zuwa rokutanga re sumana, akaguma comacibesi-besi pa guwa,* mumasure mekuti zuwa rabuda.
3 Aibvunzana pacawo eciti: “Ndiani acatimburumbudzira buwe riri pa musuwo pe guwa?”
4 Asi paakaringira, akaona kuti buwe riya kunyazi rakakura, rainga ramburumbudzwa.
5 Paakapinda mu guwa, akaona djaha rimweni rakagara ku moko kwawo, rainga rakapfeka macira akareba ekucena, uye awona akapatika.
6 Irona rakati kaari: “Musathye. Imwimwi muri kupsvaka Djesu we ku Nazareta akauraiwa pa mutanda. Iyena amutswa; uye aaripi pano. Onai, apa ndipo paainga akaradzikwa.
7 Zvino endai, bvunzai afundi ake uye Pedru kuti: ‘Iyena atungamira kuenda ku Garireya. Imwimwi mucamuona ikona, hinga zvaainga amubvunzai.’”
8 Hino awona akabuda, uye akatiza mu guwa, ecitetemera uye ecishamiswa maningi. Uye apana munhu waakabvunza nge zvazvo, ngokuti aithya.*
Masoko ari pasi
^ Kana kuti: “guwa re anoedzurirhwa.”
^ Maererano no matarhwa e kare anogondeka, Vhangeri ra Marko rinoperera pa masoko ari pa vhersikuro 8. Onai Apendi. A3.