Akatarhwa na Ruka 3:1-38
3 Pa gore re ci 15 rokutonga ka Tibheriyo Sezari, pa nguwa yekuti Ponsiyo Pirato wainga ari mutungamiriri we Djudhiya, Herodhi* wainga ari mutungamiriri we dhistritu* re Garireya, hama yake yaizwi Firipi wainga ari mutungamiriri we dhistritu ro mutanha we Itureya no Trakoniti, uye Rizaniya wainga ari mutungamiriri we dhistritu ro Abhirene,
2 mu mazuwa e atungamiriri e apristi Anasi na Kaifasi, soko ra Mwari rakaguma kuna Juau mwana wa Zakariya waigara ku renje.
3 Hino iyena wakahamba mu mutanha wese we Djorodhani, eciparidza ngezve rubhabhatidzo hinga cipangidzo ce kucinyuka kuti zvitema zvirekererhwe,
4 hinga zvakatarhwa mu bhuku rino masoko e muphorofita Isaya ekuti: “Kuno izwi riri kuzwika ku renje reciti: ‘Gadzirirai gwanza ra Djehovha!* Rungamisai makwanza ake.
5 Mapani ese anodikana kufushirhwa, uye matunhu ese no zvimatunhu zvinodikana kuputswa kakuzveredzwa; makwanza ese ano makhona-khona anodikana kuthwasuka, uye makwanza ese ano zvimarindi anodikana kuzveredzwa;
6 uye anhu* ese acaona ruponeso ra Mwari.’”*
7 Hino iyena aiti ku anhu akawanda aiuya koobhabhatidzwa naye: “Imwi ana e nyoka, ndiani akamubvunzai kuti mungatiza shungu dza Mwari dziri kuuya?
8 Hino, barai zvibereko zvinopangidza kuti macinyuka. Musarangarire mu mwoyo menyu kuti: ‘Isusu tiri ana a Abrahamu.’ Inini ndinomubvunzai kuti Mwari anokwanisa kucinja mapuwe aya kuti agare ana a Abrahamu.
9 Demo ratogadzikwa kare pa midzi yo miti. Hino, muti wese usikabari micero kwayo unozotemwa wokhandirhwa pa muriro.”
10 Uye anhu aimubvunzisa kuti: “Hino, tinodikana kuitei?”
11 Iyena wakaadaira kuti: “Munhu ano macira mairi* ngaapasewo uya asina, uye uya ano zvokurhya ngaaitewo zvimwezvo.”
12 Kunyazi arongosi e musoho akauya koobhabhatidzwa, uye akamubvunzisa kuti: “Mufundisi, tinodikana kuitei?”
13 Iyena wakati kaari: “Musarongose musoho unodarika zviya zvinodikanwa kuriphwa.”
14 Masurudado aimubvunzisawo eciti: “Tinodikana kuitei?” Uye iyena waiti kaari: “Amudikani kushusha* anhu uye amudikani kupumha anhu asina ndaa, asi gutsikanai no zvamunotambira.”
15 Anhu ainga ano cidaka-daka uye airangarira mu mwoyo mawo ngezva Juau eciti: “Kodi iyena ndiye Kristu here?”
16 Juau wakadaira anhu ese, eciti: “Inini ndinomubhabhatidzai no mvura, asi uya ari kuuya mumasure mangu ano simba kundidarika, uye inini andizi kusisira kuti ndikhumure masandarya ake. Iyena acamubhabhatidzai no mwiya mucena uye no muriro.
17 Iyena ano foshoro* mu nyara kuti aparadzanise trigu no marara uye acanyasa kucenesa paanopurira, acaunganidza trigu yake mu muturika, asi marara acaapisa pa muriro usikadzimisiki.”
18 Juau wakaakohomedzesawo zviro zvimweni zvakawanda uye wakarumbwa eciziisa anhu masoko akanaka.
19 Asi iyena waisumurura Herodhi mutungamiriri we dhistritu, nge ndaa ya Herodhiya mukadzi we hama ya Herodhi uye nge ndaa yo zvese zvakashata zvaainga aita.
20 Ngokudaro, Herodhi wakaitazve ciro cimweni cakashata: Wakakanda Juau mu kadheya.
21 Hino anhu ese paakapera kubhabhatidzwa, Djesu akabhabhatidzwawo. Paainga ecinamata, kudenga kakafunguka,
22 mwiya mucena wakauya paari hinga njiwa, uye izwi rakabva kudenga reciti: “Iwewe ndiwe Mwana wangu, Mudisiswa; ndakupfarira.”
23 Djesu paakatanga basa rake, iyena ainga ano makore angakwana kuita 30, hinga zvairangarirhwa no anhu ese, iyena ainga arimwana wa Zuzee,mwana wa Heri,
24 mwana wa Matati,mwana wa Revhi,mwana wa Mereki,mwana wa Djanai,mwana wa Zuzee,
25 mwana wa Matatiya,mwana wa Amosi,mwana wa Naumi,mwana wa Esri,mwana wa Nagai,
26 mwana wa Maati,mwana wa Matatiya,mwana wa Semeini,mwana wa Djozeki,mwana wa Djodha,
27 mwana wa Djoanaa,mwana wa Reza,mwana wa Zorobhabheri,mwana wa Saratieri,mwana wa Neri,
28 mwana wa Mereki,mwana wa Adhi,mwana wa Kozau,mwana wa Erimadhami,mwana wa Eri,
29 mwana wa Djesu,mwana wa Eriezeri,mwana wa Djorimi,mwana wa Matati,mwana wa Revhi,
30 mwana wa Simiyoni,mwana wa Djudhasi,mwana wa Zuzee,mwana wa Djonami,mwana wa Eriakimu,
31 mwana wa Mereya,mwana wa Mena,mwana wa Matata,mwana wa Natani,mwana wa Dhavhidhi,
32 mwana wa Djesee,mwana wa Obhedhi,mwana wa Bhoazi,mwana wa Sarimoni,mwana wa Naasoni,
33 mwana wa Aminadhabhi,mwana wa Arni,mwana wa Ezroni,mwana wa Perezi,mwana wa Djudha,
34 mwana wa Djakobo,mwana wa Izaki,mwana wa Abrahamu,mwana wa Tera,mwana wa Naori,
35 mwana wa Serugi,mwana wa Reu,mwana wa Peregi,mwana wa Ebheri,mwana wa Shera,
36 mwana wa Kainani,mwana wa Arpashadhi,mwana wa Semi,mwana wa Nowa,mwana wa Rameki,
37 mwana wa Metusera,mwana wa Inoki,mwana wa Djaredhi,mwana wa Marareri,mwana wa Kainani,
38 mwana wa Enosi,mwana wa Seti,mwana wa Adhamu,mwana wa Mwari.
Masoko ari pasi
^ Uu ndi Herodhi Antipa. Onai pakazwi Kupanganidzwa ke Masoko.
^ Cigrego: “tetrarka.”
^ Onai Apendi. A5.
^ Cigrego: “nyama yese icaona.”
^ Kana kuti: “gwanza ricaseenzeswa na Mwari kuti aponese.”
^ Kana kuti: “macira amweni.”
^ Kana kuti: “musatsotse anhu.”
^ Mukhaindi uu we foshoro wakaita hinga garfu rakakura.
