“Dzinza ricarhwisa dzinza rimweni uye umambo ucarhwisa umambo umweni . . . Zvese izvi, kunonga kuri kutanga ke matambudziko.”

Mateu 24:7, 8

“Kunozooneka aphorofita akawanda ekunyepa anozopausa ajinji; uye kuwanda ke kutama kuteerera mutemo, kucaita kuti rudo re ajinji ritonhore.”

Mateu 24:11, 12

“Pamunozwa ngezve hondo no masoko anocokuita no hondo, musapatike ndizvo; ngokuti zviro izvi zvinodikana kuitika, asi mugumo unonga usati waguma.”

Marko 13:7

“Kucaoneka zvigidhi-gidhi zvakakura, uye ku mbuto dzakasiyana-siyana, kucaoneka nzara no nhenda; uye anhu acaona zviro zvinothyisa no zvipangidzo zvakakura zvecibva kudenga.”

Ruka 21:11

 “Mu mazuwa e kupedzesera, kucazooneka nguwa dzinonetsa, dzinoshupha kushingirira. Ngokuti anhu acagara anodzida, anoda maningi mare, anodada, anodzikudza, anotuka, asikazwiri abereki, asikatendi, asikazi kugondeka, asina rudo ro kubarhwa naro, asikadi kupindirana no amweni, ano mapsveda, asikadzibati, anothyisa, asikadi zvakanaka, atengesi, asikazwi zvinobhuya amweni, akadzara ngo kudzikudza, anonyanya kuda mapfaro pa mbuto ye kuda Mwari, anodziita hinga anonamata Mwari asi asikaiti zvinoenderana no kumunamateko.”

2 Timoti 3:1-5