Fevrero 26–Marso 3
PISAREMA 11-15
Ngoma 139 uye Munamato | Masoko Okutanga (mus. 1)
1. Rangaridzai Muri mu Nyika Ipsva ya Mwari Ino Runyararo
(mis. 10)
Anhu paanotama kureremedza nhungamiriro uye mutemo zvinoita kuti paoneke zvecisimba zvatiri kuona mazuwa ano (Pis 11:2, 3; w06 5/15 paji. 18 ndi. 3)
Tingagonda kuti nokukasika Djehovha acapedza zvecisimba (Pis 11:5; wp16.4 paji. 11)
Kunyasa kurangarira ngezve cipikirhwa ca Djehovha ce ruponeso, kungatibetsera kuti tietsere kununurhwa kedu no mwoyo unononoka kutsamwa (Pis 13:5, 6; w17.08 paji. 6 ndi. 15)
EDZAI KUITA ZVINOTEERA: Erengai Ezekiyeri 34:25, uye dusai nguwa kuti murangaridze muri pambuto yakaterama yakatarhwa ipona.—kr paji. 236 ndi. 16.
2. Upfumi Watinogumira mu Bhaibheri
(mis. 10)
-
Pis 14:1—Maitiro ari pa tsamba ii angabata-bata kudini Akristu? (w13 9/15 paji. 19 ndi. 12)
-
Pa kuerenga Bhaibheri ke sumana ino, ngazvipi zvamafunda?
3. Kuerengwa ko Bhaibheri
(mis. 4) Pis 13:1–14:7 (th fundo 2)
4. Kutangisa Makani
(mis. 2) KUPARIDZIRA ZVISIKAZI KURONGWA. Pikai samuzi kuti auye ku Cirangaridzo. (lmd fundo 5 ndima 3)
5. Kutangisa Makani
(mus. 1) NYUMBA NO NYUMBA. Pikai samuzi kuti auye ku Cirangaridzo. (lmd fundo 3 ndima 4)
6. Kutangisa Makani
(mis. 3) NYUMBA NO NYUMBA. Samuzi unopangidza cido pa mupiko we Cirangaridzo. (lmd fundo 7 ndima 4)
7. Kuita Afundi
(mis. 5) lff fundo 13 mucigwagwa, mibvunzo yekuhwirinzira, uye edzai kuita zvinoteera. Seenzesai masoko ari pakazwi “Ziyai zvakawanda” kuti mubetsere mufundi wenyu kuti azwisise mazwire a Mwari akaringana no magereja e kunyepa. (th fundo 12)
Ngoma 8
8. “Uzii Unokosha Kupinda Pfuti dze Hondo”
(mis. 10) Kucedzesana.
Zviito zve cisimba zviri kuwanda mu nyika yese. Djehovha anozviziya kuti zvecisimba zvatiri kuona no kushuphika zvingakwanisa kutisiya tecinetseka. Iyena anozwisisawo kuda kedu kuzwa takacengeteka. Mushobo umweni we kutidziirira ngewe kuseenzesa Soko rake, Bhaibheri.—Pis 12:5-7.
Bhaibheri rino uzii unokosha “kupinda pfuti dze hondo.” (Mp 9:18) Rangarirai kuti zvokwadi zvisikacinji zvo Bhaibheri zvinoteera zvingatidziirira kudini kuti tisaitirhwe zve cisimba.
-
Mp 4:9, 10—Musagare mwega pa mbuto kana kuti pa migariro isikazi kucengeteka
-
Zvie 22:3—Nguwa dzese garai makadjenga pa zviya zvakamutenderedza
-
Zvie 26:17—Musapindire pakureketedzana pamusikabatanidzwi
-
Zvie 17:14—Budai pa mbuto inonga yeciizwa zve cisimba. Uye garai kure no anhu anonga ecida kuita zvecisimba
-
Ruk 12:15—Musakande upenyu wenyu pangozi kuti mukwanise kucengeta zviro zvenyu
Ridzai VHIDHIYO yakazwi Teedzerai Anokutenda, Haiwa Asina Kutenda—Inoki, Haiwa Rameki. Pedzepo itai mubvunzo unoteera ku apurutani:
Muezaniso wa Inoki wakabata-bata kudini zvisananguro no muitiro wa baba ake paaibatana no zvecisimba?—Ahe 11:5
Pamigariro imweni, Mukristu angaita zvaanokwanisa kuti adzidziirire kana kuti kudziirira zviro zvake. Pamugariro uwona iyena angaita zvese zvaanokwanisa kuti asabvise upenyu we munhu uye kugara no ndaa ye ngazi.—Pis 51:14; onai “Mibvunzo Inobva ku Aerengi” mu Murindiri wa Julho 2017 mu ciShona.
9. Kampanya ye Cirangaridzo Icatanga mu Sabudu, 2 ya Marso
(mis. 5.) Mharidzo icaizwa no mukuru. Bhuyai ngezve urongwa uripo unocokuita no kampanya, mharidzo inokosha uye Cirangaridzo. Edzurirai aparidzi kuti awona angasanangura kuseenza hinga mapionero e rubetso ecikwanisa kuita maora anokwana 15 mukati me mwedzi wa Marso na Abriri.
