Munhu wese unombozwa wakatsukwara nguwa dzimweni. Kuzwa takatsukwara azvirei kuti takaremba pa mwiya. Kunyazi Djehovha akatobhuya kuti nguwa dzimweni anozwa akatsukwara. (Ge 6:5, 6) Asi kana tikazwa takaremerhwa nge kutsukwara kakawanda kana kuti nguwa dzese?

Kumbirai rubetso kuna Djehovha. Djehovha anoda maningi kuti isusu tigare no uthongo wakanaka we mundangariro uye mazwiro. Iyena anoziya patinonga takapfara uye patinonga takatsukwara. Iyena anozwisisa kuti ngei tecirangarira uye tecizwa ngo mushobo uwona. (Pis 7:9b) Ciro cinokosha ngecekuti Djehovha anonetseka nesu uye kuti anokwanisa kutibetsera kuti tikwanisane ne mazwiro ekutsukwara kana kuti dhepresau.—Pis 34:18.

Cengetai uthongo wenyu we mupfungwa. Mazwiro akashata angabata-bata mupfaro wedu, kutobatanidzawo no kunamata kedu. Ndiyo ndaa, tinoita zvakanaka ngekudziirira mwoyo wedu—unhu wedu wese we cemukati.—Zvie 4:23.

ONAI VHIDHIYO YAKAZWI HAMA DZEDU DZIRI KUPFARA KUDINI MU RUNYARARO KUNYAZI ECIBATANA NO DHEPRESAU, PEDZEPO DAIRAI MIBVUNZO INOTEERA:

• Zviro zvipi zvakaizwa ndi Nikki zvakamubetsera kuti akwanisane no dhepresau?

  Mhinduro yenyu

• Ngei Nikki wakazwa kuti waidikana kupsvaka rubetso ra medhiko?—Mt 9:12

  Mhinduro yenyu

• Nikki wakagonda no rubetso ra Djehovha ngo mushobo upi?

  Mhinduro yenyu