Akawanda ano maonero akashata ngezve aya ano masimba. Ndiani ungaapasa ndaa? Anhu ano ngano yakareba yekukhorovhera masimba kuti aite zviro zvakaanakira basi. (Mik 7:3) Tinotenda maningi ngekuti akuru e ungano anorowedzwa kuti aseenzese masimba awo kuti aite zvakanakira anhu a Djehovha.—Est 10:3; Mt 20:25, 26.

Kusiyana no anhu e mu nyika anomasimba, akuru anoshingaira pakuonerera no rudo ngokuda kaanoita Djehovha no anhu ake. (Ju 21:16; 1Pe 5:1-3) Ecitungamirirhwa na Djesu, aushi aya anobetsera muparidzi umwe na umwe kuti azwe ari pa nyumba mu mhuri ye anamati a Djehovha uye kuti agare ari padhuze na Djehovha. Awona anokasika kupasa rubetso re kunamata ku mabira a Djehovha uye anoabetserawo paanonga ecida rubetso re mamedhiko nokukasika kana kuti pakaitika tsaona. Kana mecida rubetso, zvakadini kutanga imwimwi kuziisa akuru e mungano yenyu?—Tg 5:14.

ONAI VHIDHIYO YAKAZWI AUSHI ANOCENGETA MABIRA, PEDZEPO DAIRAI MIBVUNZO INOTEERA:

• Mariana wakabetsereka kudini no rubetso re akuru?

  Mhinduro yenyu

• Elias wakabetsereka kudini no rubetso re akuru?

  Mhinduro yenyu

• Maeshiperiensiya aya anobata-bata kudini mushobo wamunoona basa rinoizwa nge akuru?

  Mhinduro yenyu