“Kucaoneka kumuka.”—Mabasa 24:15, Shanduro yeNyika Itsva yeMagwaro Matsvene.

Zvinomunyaradza kana munhu wamunoda akafa.—2 Wakorinte 1:3, 4.

Zvinomubetsera kuti musathye rufu.—Ahebheru 2:15.

Zvinomupasa kariro yakacengeteka yo kusonganazve no hama no shamwari dzenyu dzakafa.—Juau 5:28, 29.

Honde, nge shwiro nhatu:

• Mwari ndiyena Musiki we upenyu. Bhaibheri rinodainza Djehovha Mwari kuti ndiye “maambo oupenyu.” (Pisarema 36:9; Mabasa 17:24, 25) Kana iyena akapasa zvisikwa zvese upenyu tine rugondo kuti acahwirinza upenyu kune anhu akafa.

• Mwari akambomutsa anhu mu nguwa yekare. Bhaibheri rinobhuya nge anhu asere—anadoko, akuru, anarume no anakadzi—akamutswa kuti araramezve panyika. Amweni awo ainga asikazi kutora nguwa yakareba akafa, asi umwe wainga muguwa kwe mazuwa marongomuna!—Juau 11:39-44.

• Mwari anoda kuzviitazve. Djehovha unozonda rufu; iyena unoriona hingana nyamarhwa. (1 Wakorinte 15:26) Iyena acabvisa muzondi uu, nokupedza rufu nge rumuko. ane cisuwo cokumutsa anhu ari mundangariro dzake kuti aaone eciraramazve pa nyika.—Djobho 14:14, 15.