“Mwari . . . acapukuta misodzi yese pa madziso awo, kufa akucazoonekizve, kana kucema, kana kuridza mhere, kana kurhwadziwa. Zviro zvokutanga zvapinda.”—Zvakapangidzwa 21:3, 4, Shanduro yeNyika Itsva yeMagwaro Matsvene.

Mucazogara no basa rinopfadza.—Isaya 65:21-23.

Mucararama mu nyika isina nhenda no kushuphika.—Isaya 25:8; 33:24.

Mucagara no upenyu unopfadza nokusikaperi pamwepo no shamwari uye hama dzenyu.—Pisarema 37:11, 29.

Honde, nge shwiro mbiri:

• Mwari ano simba rokudzadzisa cipikirhwa ici. Mu Bhaibheri ndi Djehovha Mwari ega anozwi “we Masimba ese,” ngekuti simba rake arina mugumo. (Zvakapangidzwa 15:3) Ngokudaro, iyena anokwanisa kudzadzisa cipikirhwa cokucinja nyika ino kuti igare mbuto irinani. Bhaibheri rinoti: “Kuna Mwari zviro zvese zvinoita.”—Mateu 19:26.

• Mwari ane cido cokudzadzisa cipikirhwa ici. Nge muezaniso, Djehovha anozwa cisuwo cokumutsa anhu akafa.—Djobho 14:14, 15.

  Bhaibheri rinopanganidzawo kuti Djesu, Mwana wa Mwari, akarapa atenda. Ngei iyena wakaita izvona? Ngekuti iyena waizvida. (Marko 1:40, 41) Djesu wakapangidza zvakakwana unhu wa Baba ake ne cido cake cokubetsera anhu aishuphika.—Juau 14:9.

  Ngokudaro, tine zvirokwazvo zvokuti Djehovha na Djesu anoda kutibetsera kuti tigare ne ndaramo uye no mupfaro mu nguwa yemberi!—Pisarema 72:12-14; 145:16; 2 Pedru 3:9.