ARINDIRI Hama dzakagadzwa kuti dzimutambirei. Tapota nyasai kupindirana nawo uye kutondoedza mazano awo anocokuita nokutseamisa karu, kuhamba-hamba ke anhu, kucengeta mbuto, ne zvimweniwo zvakasiyana-siyana.

BASA RE KUZVIPIRA Kana mecida kuzvipira pakubatsira pa mabasa akasiyana-siyana e pa gungano, tapota bvunzai Dhepartamento re Masoko uye Dhepartamento re Basa re Kuzvipira.

MIPANDO YOKUGARIRA Tapota, reremedzai anhu amweni. Edzurirai kuti, mipando yokugarira inodikana kucengeterhwa basi nhai dze mhuri yenyu uye aya amauya nawo mukaru imweyo, anorarama nemwi pa nyumba imweyo kana aya amurikufunda nawo Bhaibheri. Tapota, musasiye zviro pa mipando yamusiripi kucengetera munhu.

MIPIRO Zvezvirokwazvo paseenzeswa mare yakawanda kuti paoneke zvese zviri pano, tiri kureya isusu nge zve mbuto dzokugarira dzakanaka, midziyo yokuridza ngoma uye midziyo ye mavhidhiyo no mabasa amweni akasiyana-siyana anoita kuti tipfadzwe nge gungano rino uye kuti tikhwedere padhuze na Djehovha. Mipiro yenyu yekuzvipira ndiyo inotsiya zviro zvese zvinodikanwa uye inobetsera basa redu re mu nyika yese. Kana mecida kupa mipiro yenyu, kuno mabhokisi e mipiro ari pamhene pa ruwanze rese rino. Mungakwanisa kupa mipiro yenyu meciseenzesa internet pa donate.pr418.com. Mipiro yenyu yese inotendwa maningi. Dare Rinotungamirira ririkuda kumutenda maningi nge ndaa yekupa kenyu rubetso ku zviro zvinodiwa zve Umambo.

RUBHABHATIDZO Anhu acabhabhatidzwa acagadzirirhwa mbuto yokugara iri mberi ke cikuwa, kana pasina nhungamiriro imweni. Anhu acabhabhatidzwa anodikana kuoneka akagara pa mbuto yaakagadzirirhwa mharidzo ye rubhabhatidzo isati yatanga mu Sabudu ce macibesi. Umwe na umwe acabhabhatidzwa anodikana kuunzisa tuariya no macira ekusamba nawo akasisira.

ZVAKAPSVETEKA UYE ZVAONEKA Midziyo yese yakapsveteka isina muridzi, inodikana kuendeswa ku Dhepartamento Rinoonerera nge Zviro Zvakapsveteka uye Zvaoneka. Kana imwimwi mapsvetekerhwa nge ciro, endai ku Dhepartamento iri kuti murekete nge zve magarire akaita ciro camapsvetekerhwa naco. Ana adoko anodikana kugara ari padhuze no abereki awo uye kana akapsveteka anodikana kuendeswa ku Dhepartamento iri. Tapota cengetedzai ana enyu uye musaasiye ari ega.

ZVEKURAPA Tapota, nyasai kurangarira kuti mabasa aya anoonerera basi nge hama dzinonga dzecida rubetso nokukasika.