Umambo wa Mwari Cinyi?
Imwimwi maizotii . . .
-
ciro ciri mu mwoyo menyu here?
-
ingano yokufungidzira here?
-
kana kuti utongi wo kudenga?
BHAIBHERI RINOTI
“Mwari wo kudenga ucamutsa umambo usikazomboputswi.”—Dhanyeri 2:44, Shanduro yeNyika Itsva yeMagwaro Matsvene.
“Takapaswa mwana wo mwanarume; kutonga kucagara papfudzi rake.”—Isaya 9:6.
NGEI ZVAKANAKA KUZIYA IZVI
-
Kune utongi wakarurama ucamubetsera.—Isaya 48:17, 18.
-
Munyika itsva iri kuuya, mucagara ne upenyu no uthongo wakakwana uye ne mupfaro.—Zvakapangidzwa 21:3, 4.
TINGATENDA HERE ZVINOBHUYA BHAIBHERI?
Honde, nge shwiro mbiri:
-
Djesu akapangidza zvicaithwa no Umambo wa Mwari. Djesu akafundisa afundi ake kunamata ecikumbira Umambo wa Mwari kuti uuye uye kuti kuda ka Mwari kuizwe panyika. (Mateu 6:9, 10) Djesu wakapangidza kuti munamato iwona waizodairhwa kudini.
Paainga ari pa nyika, Djesu akapasa cokurhya anhu ainga ane nzara, akaporesa atenda uye akamutsa akafa! (Mateu 15:29-38; Juau 11:38-44) Hingana Mutongi we nguwa yemberi we Umambo wa Mwari, Djesu akapangidza zviro zvakanaka zvicaithwa ne Umambo wa Mwari ku anhu ake.—Zvakapangidzwa 11:15.
-
Zviro zviri kuitika mu nyika ino zviri kupangidza kuti Umambo wa Mwari uri dhuze kuuya. Djesu wakati kwecisara nguwa doko kuti Umambo uunzise runyararo, mu nyika maizooneka hondo, nzara no zvigidhigidhi.—Mateu 24:3, 7.
Isusu tiri kuona zviro izvi zveciitika mazuwa ano. Ngo kudaro tinogara no rugondo rokuti nokukasika Umambo wa Mwari ucapedza matambudziko ese.
CIMBORANGARIRAI
Upenyu ucagara kudini pasi pe kutonga ke Umambo wa Mwari?
Bhaibheri rinodaira mubvunzo uu pana PISAREMA 37:29 uye ISAYA 65:21-23.
Mungazvipfarira
FUNDISO DZE MA BHUKU E BHAIBHERI
Cinyi Cinozwi Umambo wa Mwari?
Djesu paainga eciparidzira, wainyanya kubhuya nge zve Umambo wa Mwari kudarika shwiro ipi hayo. Ke mazana e makore, afundi ake anosonamata kuti Umambo uu uuye.
MURINDIRI
Zvinyi Zvicaizwa no Umambo wa Mwari?
Djesu aiziya kuti Umambo wa Mwari ndiwo basi unokwanisa kupedza matabudziko e nyika. Zvinyi zviri kuizwa nge Umambo zvinoita kuti tiugonde?
TIRI ANI
Ngei Ucidikana Kufunda Bhaibheri?
Bhaibheri rinopasa mhinduro dze mibvunzo inodiwa yo upenyu ku zviuru zve zviuru zve anhu mu nyika yese. Imwimwi munoda kugara umwe wawo here?
