FUNDO 03
Mungakwanisa Kugonda Bhaibheri here?
Bhaibheri rinogondesa zviro zvakawanda uye rinopa mazano akawanda. Pamweni maano cidakadaka cekuda kuziya zvarinofundisa, asi pamweni muri kutya. Mungakwanisa kugonda no zvipikirhwa uye mazano atinogumira mu bhuku re kare-kare here? Zvezvirokwazvo imwimwi munokwanisa kutenda ne zvinoreketwa no Bhaibheri nge zve kudakadzwa no upenyu zvino uno uye mu nguwa ye mberi here? Anhu ajinji arikuita izvona. Ngationei kuti mungazviitawo here.
1. Ngano dzatinogumira mu Bhaibheri nge dze zvirokwazvo here?
Bhaibheri rakadzara no “masoko e cokwadi.” (Muparidzi 12:10) Irona rinopanganidza zviitiko zve cokwadi zvakaitika ku anhu. (Erengai Ruka 1:3; 3:1, 2.) Anhu anotara zvakaitika kare, uye anocera mapuwe anogondesa kuti mazuwa, anhu, mbuto uye zviitiko zvinopanganidzwa mu Bhaibheri nge zve cokwadi.
2. Ngei tecikwanisa kubhuya kuti Bhaibheri i bhuku re cokwadi?
Bhaibheri rinopanganidza zviro zvainga zvisikaziikanwi pa nguwa yerakatarhwa. Nge muezaniso, irona rinoreketawo nge zve siensiya. Pa zviro zvijinji zvarinoreketa nge zve siensiya, zvaipesana no zvaifundiswa pa nguwa ye rakatarhwa. Kunyazi zvakadaro, siensiya ye mazuwa ano inotenderana nazvo kuti Bhaibheri rinoreketa zvirokwazvo. Nge kudaro zvinoita kuti ‘tirigonde zvino, uye nokusikaperi.’—Pisarema 111:8.
3. Ngei tecigonda cokwadi cinoreketwa mu Bhaibheri nge zve ramangwana?
Bhaibheri rino uphorofiti * we “zviro zvisati zvaitika.” (Isaya 46:10) Irona rinorekata zviro kunyazi zvisati zvaitika. Bhaibheri rakapanganidza migariro we zviro zvirikuitika mu nyika mazuwa ano. Mu fundo ino, ticada kuongorora uphorofiti unganani uri mu Bhaibheri. Zvarinoreketa zvinoshamisa!
FUNDAI ZVAKAWANDA
Ongororai kuti siensiya ye mazuwa ano inopindirana kudini no Bhaibheri uye psvakisisai uphorofiti unganani we Bhaibheri unoshamisa.
4. Siensiya inopindirana no Bhaibheri
Mu nguwa ye kare, anhu akawanda aitenda kuti nyika yakagara pamusoro pe ciro. Ridzai VHIDHIYO.
Onai zvakareketwa mu bhuku ra Djobo mu makore 3 500 akadarika. Erengai Djobho 26:7, pedzepo cedzai nge zve mubvunzo uu:
-
Ngei masoko ekuti nyika aizi kugara “pa musoro peciro” ecishamisa?
Kutenderera kunoita mvura akuzi kuzwisisika basi mu gore ra 1 800. Asi cimboonai zvakareketwa nge Bhaibheri ke mamirionji e makore akadarika. Erengai Djobho 36:27, 28, pedzepo cedzai nge zve mibvunzo idzi:
-
Ngei kutenderera kunoita mvura kecimushamisa?
-
Tsamba ye mabva kuerenga inobambisa kutenda kenyu mu Bhaibheri here?
5. Bhaibheri rakareketa zviro zvinokosha zvicazoitika
Erengai Isaya 44:27–45:2, pedzepo cedzai nge zve mubvunzo uu:
-
Zviro zvipi zvakareketwa ne Bhaibheri zvakazoitika paa padarika makore 200, zvakaringana ne kuparadzwa ke Bhabhironi?
Ngano inotendera kuti Siro, Mambo we Pérsia, no anyahondo ake akaparadza thaundi re Bhabhironi mu gore ra 539 K.A.A. * Aona akapausa mvura ye murambo yaidziirira thaundiro. Mu masure mekupinda mu thaundiro no pamisuwo yainga yakafununguka, awona akaparadza thaundiro asikarhwi. Mazuwa ano padarika makore 2 500, Bhabhironi raa mathuku. Onai zvakareketwa no Bhaibheri.
Erengai Isaya 13:19, 20, pedzepo cedzai nge zve mubvunzo uu:
-
Cinyi cakaitika no Bhabhironi cinopangidza kuti uphorofiti wakadzadzika?
Mathuku e Bhabhironi mazuwa ano ku Iraque
6. Bhaibheri ragara rakareketa zviro zvatiri kuona mazuwa ano
Bhaibheri rinoreketa kuti tiri kurarama mu “mazuwa ekupedzesera.” (2 Timoti 3:1) Onai kuti zvinyi zvakareketwa ne Bhaibheri zvakaringana ne mazuwa ano.
Erengai Mateu 24:6, 7, pedzepo cedzai nge zve mubvunzo uu:
-
Bhaibheri rakareketei nge zve mazuwa ekupedzesera?
Erengai 2 Timoti 3:1-5, pedzepo cedzai nge zve mibvunzo idzi:
-
Bhaibheri rakareketei nge zve maitiro e anhu mu mazuwa e kupedzesera?
-
Maitiro api amuri kuonawo?
ANHU AMWENI ANOTI: “Bhaibheri i bhuku re ngano kana kuti zviro zvisikaitiki.”
-
Pa maonero enyu, cinyi cinomugondesa kuti Bhaibheri ngere cokwadi?
MUCIGWAGWA
Ngano, siensiya, uye uphorofiti zvinopangidza kuti mungakwanisa kugonda kuti Bhaibheri nge re cokwadi.
Mibvunzo yekuhwirinzira
-
Bhaibheri i bhuku re zvirokwazvo here kana kuti re ngano?
-
I mbuto dzipi dze siensiya dzinopindirana ne Bhaibheri?
-
Makamborangarira zvinoreketa Bhaibheri nge zve ramangwana here? Kana musati makambozvirangarira, ngei?
ZIYAI ZVAKAWANDA
Mu Bhaibheri muno zvishaishi zve siensiya here?
“Siensiya Inopindirana ne Zviri mu Bhaibheri here?” (Fundo ye mu saite)
Zviro zve “mazuwa ekupedzesera”?
“Uprofita hweBhaibheri Hutanhatu Hwauri Kuona Huchizadzika” (Murindiri wa 1 ya Mauwe ya 2011)
Fundai nge zve uphorofiti unoreketa nge zve Umambo we Grécia wakadzadzika.
Onai kuti uphorofiti we Bhaibheri wakacinja kudini upenyu we munhu unorekethwa mu Bhaibheri.
“Ndainga Ndisikatendi kuti Mwari Ariyo” (Murindiri N.° 5 2017)
