APENDISE C
Tingaitisa Kudini Fundo ye Bhaibheri Teciseenzesa Bhuku ra Pfadzwai ne Upenyu Nokusikaperi!
Bhuku ra Pfadzwai ne Upenyu Nokusikaperi! rakabudiswa mumasure mekuizwa minamato yakawanda uye kupsvakisisa. Kuti museenzese zvakanaka zvese zviri mu bhuku iri, seenzesai mazano anoteera pamunonga mecida kuitisa fundo ye Bhaibheri.
Musati maitisa fundo
-
1. Nyasai kugadzirira zvakanaka. Pamunonga mecigadzirira, rangarirai zvinodikana kugadzirisa mufundi wenyu, mugariro we zviro uye maonero ake. Edzai kuona kuti pamweni ngazvipi zvingamushuphira kuzwisisa kana kuseenzesa. Rangarirai kuti zviri pakazwi “Ziyai Zvakawanda” zvingabetsera kudini mufundi wenyu. Ngarai makagadzirira kupaseenzesa pamunonga mecifunda no mufundi wenyu, pazvinonga zvecidikanwa.
Pamunonga meciitisa fundo
-
2. Tangisai uye pedzesai no munamato kana mufundi akatendera.
-
3. Ngwarirai kuti musanyanye kureketa zvakawanda maningi. Kandai ndangariro dzenyu pa nyaya yamuri kufunda haiwa kureketa ngezve nyaya imweni uye siyai kuti mufundi wenyu arekete akasudzunuka.
-
4. Pamunonga mecida kutanga kufunda dii rimwe na rimwe re matii marongomuna anokosha e bhuku, endai pakazwi cinangwa uye reketai ngezve misoro minganani iri pa dii irona.
-
5. Pamunonga mapedza kufunda dii rimwe re matii aya marongomuna, seenzesai pakazwi mibvunzo yekuhwirinzira kuti mubetsere mufundi wenyu kuedzurira zvokwadi zvaafunda.
-
6. Pamunonga mecifunda fundo imwe na imwe no mufundi wenyu:
-
Erengai mandima.
-
Erengai tsamba dzese dze Bhaibheri dzakazwi “Erengai.”
-
Erengai tsamba dzimweni dziri mu ndima kana zvecidikanwa.
-
Ridzai mavhidhiyo akazwi “Ridzai” (kana munawo).
-
Itai mibvunzo dzese ku mufundi.
-
Pa foto iri pa dii rakazwi “Fundai Zvakawanda” kumbirai kuti mufundi wenyu aipanganidze.
-
Seenzesai bhokisi rakazwi “Edzai kuita zvinoteera” kuti mubetsere mufundi wenyu kuti aone kubudirira kaari kuita pakunamata. Imwimwi mungamukohomedzesawo kuti aite zviri pa bhokisi irona, agare no zvinangwa zvimweni kana kuti kuita zvese.
-
Bvunzisai mufundi wenyu kuti paainga ecigadzirira, iyena wapfarira dii rekufunda here kana kuti mavhidhiyo ari pakazwi “Ziyai Zvakawanda.”
-
Pamunofunda edzai kupedza fundo yese.
-
Mumasure mekufunda
-
7. Rumbwai mecirangarira ngezve mufundi wenyu. Itai munamato kuna Djehovha kuti akomborere kuhambira mberi kake uye kumbirai uzii kuti mukwanise kumubetsera pese pamunokwanisa napo.
