KUITA AFUNDI
FUNDO 10
Shingai Kubetsera Anhu Kuti Agare Afundi
Cokwadi Cisikacinji: “Tainga tisikadi kumupasai masoko akanaka a Mwari basi, asi taida kumupasai upenyu wedu kamare, ngokuti taimudai maningi.”—1 Ate. 2:8.
Zvakaizwa na Djesu
1. Onai VHIDHIYO, kana kuti erengai Juau 3:1, 2. Pedzepo, dairai mibvunzo inoteera:
-
Ngei mecirangarira kuti Nikodhemu wakavhakacira Djesu co usiku?—Onai Juau 12:42, 43.
-
Djesu akatenda kutambira Nikodhemu co usiku. Izvona zvinopangidza kudini kuti iyena ainga akadzipira pa basa rekuita afundi?
Tinofundei no Muezaniso wa Djesu?
2. Tinopangidza kuti tinoda anhu patinoshinga kuabetsera kuti agare afundi.
Teedzerai Djesu
3. Itisai fundo ye Bhaibheri pa nguwa no mbuto yakasisira ku mufundi wenyu. Pamweni iyena unoda kufunda pa nguwa kana zuwa raanopfarira uye kaanozwa akasudzunuka kufunda: ku basa, ku nyumba kana pa mbuto inooneka anhu akawanda? Gadzirisai nokukasika urongwa we kufunda no mufundi wenyu ngezve nguwa uye mbuto yakanaka kaari.
4. Fundai nguwa dzese. Kana imwimwi mecizoda kubuda, musaimise fundo no mufundi wenyu. Asi rangarirai kuti:
-
Ndaizokwanisa kumufundisa pa zuwa rimweni, asi sumana iyona here?
-
Ndaizokwanisa kumufundisa ndeciseenzesa thurufunu kana kuti vhidhiyo-koferesiya here?
-
Ndaizokumbira muparidzi umweni kuti afundise fundo yangu here?
5. Namatai mecikumbira kuti mugare no maitiro akanaka. Kumbirai Djehovha kuti amubetserei kuti musasiye mufundi wenyu, kunyazi asikafundi nguwa dzese kana kuti ecinonoka kuseenzesa zviya zvaari kufunda. (Afi. 2:13) Zvingaita kuti mufundi wenyu uno mawara akawanda akanaka.
ONAIWO
Zvie. 3:27; Zvii. 20:35; 2 Ako. 12:15
