Zvakaizwa na Firipi

Tinofundei no Muezaniso wa Firipi?

2. Kana tikacedza nge mushobo watinoita zuwa no zuwa, zvingakwanisa kuita kuti munhuwo azwe akasudzunuka uye akagadzirira kuzwa masoko edu.

 Teedzerai Firipi

3. Garai munhu unoongorora. Mushobo wekuringira uye wekuima ungabhuya zvakawanda ngezve munhu watiri kuparidzirewo. Zviri kupangidzira kuti iyena wakagadzirira kucedza na imwimwi here? Kuti mutangise kucedza ngezve Bhaibheri, pamweni imwimwi mungatangisa ngekumubvunzisa kuti: “Maizviziya here kuti . . . ?” Asi kana munhuwo asikadi kureketa musamubambidzire.

4. Garai no mwoyo unononoka kutsamwa. Musarangarire kuti munodikana kureketa ngezve Bhaibheri ciriporipoco, etserai nguwa yakasisira kuti murekete. Izvi zviri kuda kureya kuti nguwa dzimweni mungadikana kuetsera dakara pazomuka mukana umweni wekucedzazve naye.

5. Garai makagadzirira kucinja makani ciriporipoco. Zvingaita kuti munhu angatanga kureketa ngezve zviro zvamainga musikaetseri. Garai makagadzirira kubhuya ngezve masoko anokosha ku munhuwo, kunyazi mecizoreketa zviro zvakasiyana no zviya zvamainga magadzirira.