KUTANGISA MAKANI
FUNDO 3
Unaki
Cokwadi Cisikacinji: “Rudo rino. . . unaki.”—1 Ako. 13:4.
Zvakaizwa na Djesu
1. Onai VHIDHIYO, kana kuti erengai Juau 9:1-7. Pedzepo, dairai mibvunzo inoteera:
-
Djesu akatanga kuitei—kurapa mwanarume bofu here kana kuti kureketa naye ngezve masoko akanaka?—Onai Juau 9:35-38.
-
Ngei imwimwi mecirangarira kuti zvakaizwa na Djesu zvakasiya mwanarumewo ecida kuzwa masoko akanaka?
Tinofundei no Muezaniso wa Djesu?
2. Kana anhu akaona kuti isusu tinoakoshesa, awona acada kupurutana masoko edu.
Teedzerai Djesu
3. Pangidzai usisi. Edzai kudzikanda pa mbuto ye munhu wamuri kucedza naye uye kurangaridza kuti iyena anozwa kudini.
-
Dzibvunzisei kuti: ‘Ngazvipi zvaari kubatana nazvo? Ngazvipi zvingamubetsera uye zvingamupfadza?’ Kurangarira nge mushobo iwona kucamubetserai kuti mupangidze unaki nge gwanza rakanaka uye no mwoyo wese.
-
Kana munhu akareketa mazwiro ake kana kuti akareketa ngezve matambudziko aari kusongana nawo, musacinje nyaya pangidzai kuti muri kuda kuzwa zvaari kubhuya. Kana mukapurutana munhu paanonga ecireketa, munonga mecipangidza kuti munokoshesa zvaanonga ecireketa.
4. Reketai no unaki uye rureremedzo. Kana mecizwira munhu usisi uye mecida kamare kumubetsera zvinooneka nge mareketero amunoita. Zvakanaka maningi kusanangura masoko aticareketa uye kungwarira izwi redu patinonga tecireketa. Kusiya izvona, ngwarirai zviya zvamunoreketa uye onai kuti mungazvireketa kudini kuti musatsamwise anhu.
5. Betserai pazvinonga zvecidikanwa. Meciseenzesa marangariro enyu, onai kuti mungabetsera kudini munhuwo nge zviito. Kupangidza unaki kungakwanisa kufungura mukana wekucedzesana.
